Page 16 - BNDIA ARUBA

A16 HENDE
Diabierna 14 Februari 2020

Exposicion di astro-

fotografia

ORANJESTAD – Space and Nnature Aruba Founda-
tion lo tene nan exposicion te cu dia 15 di februari na
Parke Nacional Arikok, caminda nan lo mustra potret
di nan miembro di ‘astro-photography’.

E exposicion ta andando pa varios dia, segun a duna di conoce
Jeremio Maduro di fundacion SNAF. E ta bisa cu e miembro-
nan mes ta saca potret durante aña pa cuminsa wak e calidad
y perfecciona esaki, te cu a yega na un punto caminda tabatin
‘basta di calidad halto’. Pa e motibo aki nan a dicidi pa com-
parti esaki cu comunidad di Aruba. Ta trata di 12 potret en
total di diferente miembro pa expone na Parke Nacional pa
publico en general por disfruta.
Cada miembro tin nan manera diferente di saca potret, nan
ta zoom, tin algun ta bayendo amplio, panaroma grandi, e as-
pecto di planeta. Con ta saca e strea, luna. Cada un ta wak
diferente obheto cu nan wowo. “Algun ta saca panorama di e
shelo anochi cu paisahe di Aruba.”

E ta bisa cu tin variedad di potret cu camara cu ta para keto y
por wak shelo move y liña den esey cu mas tanto tin di haci
cu espacio. Maduro ta conta cu pa por saca algun di e potret of
tin un imagen di shelo of espacio por dura entre 6 pa 12 ora.

A puntra Maduro con esunnan cu ta interesa por saca potret
tambe. E ta splica cu pa cuminsa camara DSLR ‘ta mas cu
suficiente’ y otro tipo cu tin manual mode. Ta posibel pa cum-
insa cu fotografia, un tripod y software cu ta guia kico pa haci.

Esunnan cu ya caba a yega di saca potret por acerca e funda-
cion pa expone esaki. Maduro a bisa cu nan tin riba Facebook
un grupo apart pa publico saca potret y comparti esaki. E ta
curasha pueblo pa haci esey.
“Nos ta un grupo di 4 -5 persona cu a cuminsa y poco poco
ta crece. Corsou tambe ta haciendo y ta leuk pa cuminsa haci
arte di fotografia”, Maduro a bisa.

Cualkier persona interesa di mira exposicion por pasa Parke
Nacional Arikok. Maduro ta agrega cu entrada ta completa-
mente gratis, sinembargo ta un fundacion di persona bolun-
tario y cualkier donacion ta bon bini.

E orario pa pasa wak ta oranan cu e parke mes ta habri te cu
4:00pm. Pa mas informacion por wak riba nan pagina di Face-
book, Space and Nature Aruba Foundation.

Bo ta stima bo yiu
BISA NO Na abuso di

Mucha...

HASI USO DI CARSEAT