Page 104 - ARUBA BANK
P. 104
Diahuebs dia 17 di Mei ultimo Parlamento a ricibi e ley di “kwalitie heffing” y pa
diabierna, esta den menos di 24 ora, a yama un comision di central pa asina por aproba e
dia cu Parlamentarionan por entrega preguntanan. Esaki a pone cu Parlamentarionan por
a traha riba e preguntanan den fin di siman so y asina mester a entrega esakinan dialuna
pa 12’or.
Parlamentario di Fraccion AVP, drs. Mervin Wyatt-Ras, ta haya cu esaki ta un muestra di
un stempel parlament, esta un Parlamento di coalicion. Gobierno a tarda 6 luna pa por a
manda un ley asina aki, cual ta un atraco ariba e cartera di pueblo di Aruba. E ley aki ta
un embergadura pasobra no tin ningun rapport, no tin ningun investigacion haci.
Tampoco no tin ningun opinion di departamento di impuesto ni di Banco Central ni di
Social Economische Raad ariba e consecuencianan. Mirando tur e cosnan aki a pone cu
Fraccion di AVP a manda un carta pa asina por haya diferente opinion. Asina aki lo
mustra cu e diferente identidadnan aki cu esaki no ta posibel.
Parlamentario Wyatt-Ras ta kere cu Fraccion di AVP ta mira riba e consecuencianan cu
lo bay tin ariba e pueblo di Aruba. Tur miembro di Fraccion di AVP a trece esaki
padilanti esta e hende humilde, e pensionado, e alleen staande moeder, personanan
incapacita y tur esunnan cu ta biba cu un salario minimo – un salario cu tin biaha ta bou
di e minimo – lo kita reparatie toeslag for di tur esakinan, pensionadonan tambe lo perde
esaki.
Fraccion di AVP ta anticipa cu prijsnan di comestibel lo subi, pasobra den pasado a pasa
aden cu ora a hisa BBO e prijsnan a subi. Ya caba por mira cu prijsnan a cuminsa subi y e
personanan cu menos placa den nan cartera, nan lo tin cu cumpra tur e productonan aki
cu prijsnan mas halto. Parlamentario Wyatt-Ras ta kere cu esaki ta inaceptabel p’e
