Page 18 - AWM 8JULY2017
P. 18
18 AWEMainta Diasabra, 8 Juli 2017
Na Caribbean Palm Village Resort
E tan stima y aprecia Miguel
E tan stima y aprecia Miguel
Zievinger a baha cu pensioen
Zievinger a baha cu pensioen
despues di 30 aña di servicio
despues di 30 aña di servicio
UN hende homber cu ta personifica hospitalidad
Arubiano, Miguel Zievinger, a disfruta di su fiesta di
pensioen for di su resort stima, despues di a traha ey-
nan pa 30 aña, for di e tempo cu a basha e cement pa
construccion di e piscina, e ta raporta.
Miguel tabata e resort su specialista di servicio di
huesped den varios rol, como mensahero, bellman y
warda di seguridad, semper humilde, cla pa yuda y
incansable.
Pa su dedicacion, Miguel Zievinger a crea hopi amistad
den transcurso di e añanan, y el a desaroya relacionnan
special cu esnan di bishita for di rond di mundo pa
disfruta di un bon vakantie, ademas di su coleganan.
Un tata di un yiu – su yiu homber Hiram a sigui su
pasonan y a drenta hospitalidad – un welo di 6 y un
bisawelo di 2, Miguel a bisa cu e lo ta sumamente druk
di awor en adelante, pasando tempo cu e generacion
mas hoben y biahando rond di mundo.
Den su prome carera, como e gerente di Kentucky Fried
Chicken pa 28 aña, Miguel a cambia pa Caribbean
Palm Village Resort ora su dunador di trabou a drenta
e mundo di desaroyo hotelero.
“Dus bo por bisa cu mi a traha p’e mesun compania pa
58 aña,” Miguel Zievinger a bisa.
Brasa, sunchi y regalo di despedida a haci Miguel su
fiesta sumamente special, y sigur nan lo sinti su falta
n’e resort, pero su aventuranan benidero ta bon mereci.