Page 15 - UTILITIES
P. 15
Locual sr. Rene Herde a lubida di conta pueblo:
Den tur sector di nos comunidad partido AVP a
laga un desaster y crisis atras na final di 2017
June 3, 2018
Ta parce cu te ainda e politiconan di AVP no ta realisa ta ki daño nan a haci nos pais durante
nan 8 aña di malgobernacion, esta di 2010 pa 2017. Un di e politiconan di AVP cu tambe a
yuda contribui na e daño casi insurmontabel na nos pais ta sr. Rene Herde, kende durante 8
aña a tolera, acepta y yuda su partido masacre e pais aki. Awe debi na su sentido di ‘mea
culpa’, e persona aki tin e curashi di declara cu e gobierno actual di MEP-POR-RED kier tapa
falta di maneho cu e palabra crisis. Ta un lastima cu te ainda sr. Herde no kier realisa ta den
ki desaster y crisis su partido AVP a hinca nos pais aden for di 2010 te cu 2017 y awe kier
pretende cu nan a laga un pais sano y financieramente manehabel atras. Hecho ta cu den tur
sector di nos comunidad nos por a mira un deterioro hamas bisto desde entrada di Status
Aparte. Ta p’esey ta na su lugar pa partido MEP recapitula y trece dilanti parti di e desaster
