Page 19 - ARUBA BANK

Dialuna 10 April 2017 Pagina 5

Empleadonan di R.B.C. hopi rabia, tur a bay na

oficina principal pa un accion di protesta pa 2 ora

Diabierna mainta casi
tur e empleadonan di
R.B.C. a reuni na nan
oficina principal pa hunto
tene un protesta contra e
cambionan cu gerencia
kier ehecuta. Nan no ta di
acuerdo cun’e.

E empleadonan a tene un
protesta di 2 ora pa haya
atencion di gerencia pa
asina nan reconsidera e
cambionan cu nan a bini
cun’e.

Mey mey di caminda di Bubali:

Polis a detene chauffeur cansa

drumi den auto

Diasabra madruga a
drenta informe cu tin un
auto para mey mey di
caminda smal dilanti di
un cas na Bubali. Mesora
a dirigi un patruya pa
e sitio. Na yegada di
e patruya, nan a bin
encontra e Nissan March
blauw A65325 para mey
mey caminda.

Ora nan a baha pa
control, nan a bin haya
e chauffeur burachi
na soño. Nan a lant’e
y a deten’e pa ta bao
influencia .

Tambe pa a para e auto
mey mey di caminda,
strobando e trafico.