Page 13 - BNDIA ARUBA
P. 13
a13
riba caya Diahuebs 2 augustus 2018
Chauffeur a baha bay na careda
Auto a dal den cura di cas na Catiri
CATIRI - Diamars anochi
habitantenan di Catiri a
scucha un zonido duro.
Ora nan a sali controla
nan a wak un hende ta
saca careda y baha na awa.
Ora e habitantenan a ripara
bon nan ta haya un auto Seat
Ibiza blauw pega den un cura
di cas.
Nan a avisa central di polis
y central di polis a dirigi
un patruya di trafico pa e
sitio. Na yegada di e polis di
trafico e ta constata cu e auto
lo ta biniendo duro di ariba
y yegando e bocht skerpi net
patras di Union Caribe e
auto ta perde control y pasa
raspa un palo di luz y sigui
bay plama riba un cura di cas.
No tawata tin herido. Polis
a tuma dato y tambe a tuma
e auto den beslag pa mas
investigacion. Daño material
ta considerabel.
