Page 32 - AM240627

32 COMUNIDAD AWEMainta Diahuebs, 27 Juni 2024

Reunion strategico entre Minister Geoffrey Wever y

Presidente di Surnam ta fortalece relacion bilateral

MINISTER di Asuntonan Economico,
Comunicacion y Desaroyo Sostenibel di Aruba, mr.

Geoffrey Wever, hunto cu un delegacion consisti p’e
director di Departamento di Asuntonan Economico,
sra. Dijkhoff-Pita, Presidente di Camara di
Comercio, Diederick Kemmerling y director di ATIA

Herrick Henriquez, a reuni diamars merdia cu e
Presidente di Surnam, Chandrikapersad Santokhi,
y e Minister di Economia, Empresa y Innovacion
di Surnam, Rishma Kuldipsingh na Paramaribo,

Surnam. Durante e reunion, e delegacion di Aruba
tabata compaña p’e embahador di Hulanda na
Surnam, Walter Oostelbos.

Despues di un reunion mainta cu e Minister di
Economia, Minister Wever a topa cu e Presidente
parti atardi. Durante e encuentro aki, a discuti dife-
rente tema riba con Aruba y Surnam por colabora

y comparti idea den e areanan manera agricultura,
turismo, servicio y economia. Tambe a explora e
posibilidad di establece un vuelo di carga entre
Aruba y Surnam opera pa SLM, e aerolinea nacional

di Surnam.

Minister Wever y Presidente Santokhi tambe a
intercambia di idea riba con Surnam por pone

tereno na disposicion di e agricultornan di Aruba
p’e cultivo na Surnam. “E reunion aki a tuma luga
den un ambiente hopi agradabel y ta confirma cu
Aruba y Surnam ta mira oportunidad den traha

mas estrechamente. Mi ta hopi contento di mira
con e delegacion di Aruba a wordo ricibi y di sinti
cu nos ta alinea,” Minister Wever a comenta.

Conclusion y futuro impacto pa Aruba

E reunion entre Minister Wever y Presidente
Santokhi ta marca un importante paso pa un colab-
oracion mas estrecho entre Aruba y Surnam. E

tipo di cooperacion aki no solamente ta fortalece e
relacionnan bilateral, sino cu tambe ta habri opor-
tunidad economico nobo y di desaroyo pa ambos
nacion. Pa Aruba, en particular, e colaboracion aki

por nifica un aumento den diversificacion di su
economia, expansion di su capacidadnan agricola
y un mehoracion den su conexionnan di trans-
porte y logistica. Den futuro, e iniciativanan aki por

resulta den un crecemento economico sosteni y un
desaroyo mas balansa p’e isla.