Page 63 - MIN.JUS FLIP 5 AUG 2017

14 AWEMainta Diasabra, 5 Augustus 2017

Rocky Kelly no kier keda afo

ROCKY Kelly, miembro di Gru-
po 7 no kier keda for di atencion.
Maske cu e ta bisti cu su flanel di
color orañe, siendo un sostenedor
di PPA, manera e mes a bisa, pero
ayera e no a aparece riba lista di
PPA. Aparentemente e no a bay
di acuerdo cu e lista combina di
PPA/UPP. E intencion pa Grupo
7 bin manifesta na Conseho
Supremo Electoral, pero ayera
mainta, e unico cu a duna acto
di presencia tabata Rocky Kelly.
Cu na demostracion, nan kier
manifesta y duna nan conseho di
voto pa no vota pa partido di Go-
bierno, pero pa oposicion, paso-
bra nan kier mira un cambio, loke
no ta sorprende ningun hende.

8 Di 10 partidonan

cu a entrega lista

mester firma di sosten

UN total di 10 partido a entrega lista di candidato pa
participa n’e proximo eleccion dia 22 di september
awor. Contrario n’e comentario duna p’e presenta-
dora di Tele Aruba, 8 di e 10 partidonan aki mester
di firma di sosten di como 500 firma cada uno.

Ta dos partido so, no mester di firma cu ta MEP y
AVP, ya cu nan tin representacion den Parlamento
caba. Partido Democracia Real no a presenta lista,
pero si a uni cu POR, partido POR como pa prome
biaha ta bay eleccion, tambe mester di firma di sosten.
E proceso aki ta cuminsa dialuna awor y lo dura te
cu dia 15 di augustus awor. Si pa dia 15 awor tin
partido cu no haya e firmanan di sosten, nan lo no
por participa na eleccion di dia 22 di september awor.
Ayera mainta, e dama presentador di Tele Aruba a
confundi e televidentenan, bisando cu partidonan
cu tabatin asiento caba den Parlamento, no mester
di firma di sosten.
Cu excepcion di MEP y AVP, tur partido cu a pre-
senta lista di candidato ayera mester di firma di
sosten, cu dialuna awor lo cuminsa.