Page 10 - WEB

ORANJESTAD (AAN): Apesar cu no a sigui cu reunion den Parlamento pa trata Ley di
Serlimar, Parlamentario di fraccion di MEP, Rocco Tjon a indica cu nan mester a
presenta e cambionan, sea pa medio di un nota di cambio of un amienda, pasobra esaki
ta palabracionnan cu a wordo haci pa asina kita tur preocupacion den comunidad.

E parlamentario a bisa cu e preocupacion di mas grandi tabata riba exclusividad, y
esaki a wordo kita por completo, kiermen na ningun caminda riba e ley ta papia di
exclusividad of e palabranan ‘als enige’ no tey mas.

Algo hopi importante den e ley ta e areglo di evacuacion y cu nan a impone pa Serlimar
cu cada mey aña, nan mester entrega un rapport di mitar aña, pa asina Parlamento por
escrutina exactamente kico tabata nan gastonan y na kico e entrada a wordo uza. Cu e

medida aki nan por garantiza eficiencia.

Otro punto di preocupacion cu tabata reina cerca gremio y stakeholders di e parti di
incinerator, apesar cu e ley aki no ta trata e incinerator, y esaki a wordo splica door di

Minister, y nan tambe a splica esaki bon cla den nan discursonan, pero nan a opta pa
trece trankilidad y a saca e articulo na unda tabata menciona e palabra incinerator.

El a indica cu tin un proceso di mas di un aña y mey cu Gobierno a trece padilanti y den

diferente comision fiho di Parlamento nan a haya diferente presentacionnan riba
proceso di incinerator, pero pa nan loke ta mas importante ta pa e proceso ta uno
hermetico cera y bon.

Den esaki por a wak cu den ‘request for information’ y nan a laga esaki habri pa
cualkier compania cu por tin un otro solucion pa loke ta trata desperdicio, por presenta
esaki.

Loke e parlamentario a enfatiza ta, cu cualkier metodo cu Gobierno dicidi di escoge, e
mester fit den e margen financiero di pais Aruba por carga.

Tjon ta spera cu den siguiente reunion nan lo por trece dilanti un producto final cu ta

tene cuenta cu tur e preocupacionnan cu a wordo señala pa tur e stakeholders.

https://www.diario.aw/2019/10/a-presenta-varios-cambio-den-ley-di-serlimar-pa-kita-
preocupacionnan-di-gremio-y-stakeholders/