Page 15 - BNDIA ARUBA

A15
HENDE Diamars 31 December 2019

Celebracion di fin di aña na Paseo Herencia

ORANJESTAD - Diadomingo ultimo Paseo
Herencia a celebra fin di aña cu dushi am-
biente den Plaza Padu hunto cu Grupo di
Betico y MARUBA.

Cuminsando for di 7or di anochi Grupo di Betico
a yama bon bini na tur esunnan presente. Publico
henter tabata bailando y disfrutando di e dushi
ambiente y pa 9or di anochi MARUBA a subi es-
cenario pa clausura e anochi. Durante di evento
Paseo Herencia su tienda nan y restaurant nan ta-
bata habri pa sirbi un y tur. TGI Friday’s tabata tin
nan “Kids Eat for Free” special unda famianan por
a sinta den e terasa y mira e gruponan toca riba
escenario.

Durante e luna di december publico henter por
a disfruta di e ambiente di gaitanan, gruponan
di baile y tambe campañanan unda cu por a gana
diferente premionan. E aña aki Paseo Herencia ta-
bata tin decoracionnan nobo cu tabata hopi gusta
y ta invita famianan pa pasa admira den e dianan
siguiente.

Dia 31 di december tiendanan lo ta habri te cu
6or di atardi y dia 1 di januari tiendanan lo habri
cuminsando for di 5or di atardi.
Paseo Herencia kier a gradici e bandanan pa cera
e aña 2019 y na pueblo henter pa e sosten duran-
te 2019. Lo kier a desea un y tur hopi paz, amor,
union y prosperidad den aña 2020.

Pa aña 2020 Paseo Herencia lo bin cu hopi sor-
presa pa publico por disfruta di dje.