Page 28 - AWEMAINTA

28
Homber cu problema mental a haya
atencion cu man duro for di polis
AWEMainta Diaranson, 28 Februari 2018
DIALUNA algo prome cu 5’or di mar-
duga, polis a wordo manda na un adres na
Rooi Afo caminda lo tin un persona mas-
culino gritando manera loco.
Na yegada di e prome patruya, e agen-
tenan ta mira un homber core drenta
mondi pasa den e rooi y bay otro banda
di caminda.
E homber menciona a subi riba dak di e
cas otro banda di caminda, e tabata gri-
tando y asina a lanta e habitantenan for
di soño.
Polis a cuminsa papia cun’e y net nan ta-
bata bay pa gar’e, e homber a bula for di e
dak p’atras di e cas. Mesora a cuminsa cu
un buskeda y e agentenan a pidi refuerso
di mas colega.
Despues cu el a bula for di e dak e agen-
tenan a perd’e for di bista y e homber a
stop di grita tambe. Cachonan a cuminsa
blaf un poco mas pabou otro banda di e
Rooi, e agentenan a kere na prome instan-
te cu e homber aki lo a huy pasa den e
mondi y a bay otro banda di e Rooi, pero
esaki no tabata e caso.
E habitantenan di e cas a sigura polis cu
e homber aki no por a sali p’atras di nan
cas, e mondi lo ta completamente cera. E
agentenan, hunto cu refuerso di nan co-
leganan di Noord y Santa Cruz, a drenta
den e mondi p’atras di e cas y a bin topa
cu e homber aki, sunu, wanta na un cadu-
shi.
A pidi pa presencia di ambulans y despues
polis a transport’e pa hospital caminda e
lo por wordo interna na PAAZ, mirando
cu e tabata papia basta bruha y sigur lo tin
problemanan mental.