Page 38 - Diario Aug 10

PAGINA 38 DIARIO
Con contento number ta haci nos di 1 pa 100
E titulo aki no tin nada di haber cu number di Lotto, Mini Mega, Zo-
diac, Big 4, Catochi, Golazo, Super 4. Nada tampoco di haber cu
lesa shinishi di cigar, of mira kico a keda marca den copi di cofi, of
kico ta e cifra riba blachi di leli, ni pa core controla number di auto cu 7 --- Ta otro number di importancia. E cantidad di dianan di siman no
ta envolvi den desgracia etc. Pesey mi ta elimina number 1 y cuminza
na number 2.
No ta mucho dia pasa mi a lesa di un politico (?) cu lo a celebra 2 aña
cu e ta den politica. E anuncio di esaki tabata asina impresionante,
cu mi a pensa : “E dianan aki mi tin un fiesta pa bay cu musica di
Doble R. combina cu Oscar d ‘Leon y nos mes Robert Jean D’
or.”
Pero nada di esey a tuma lugar. Manera e dos aña a yega, e dos aña
a somenta sin cu ningun hende mas sa di esey.
Si dos aña - sin ta eligi mes- ta asina, kico lo ta 20 aña; y tabata mi-
embro di partido; riba lista anto biaha; eligi tanto biaha; parlamentario
tanto biaha y ministro tanto biaha.
Kizas Prome ministro tambe ?
Bencho cu Nea a celebra 25 aña casa recientemente. Esaki ta un
aniversario significante y mescos cu hopi pareha cu tabata tin suerte
di yega 25 aña casa, nan mester a marca e ocasion.
Awor.... Dia nan yega na 30 aña casa, esaki lo wordo celebra cu tanto
fervor y exitacion ? Probablemente no.
Trinta aña tradicionalmente no ta asina significante como 25, y ni 35
ni 40 aña casa.
Pero...... Dia nan yega 50 aña casa nan lo ta ricibi pabien di rond
mundo, y hasta for di Alaska y Siberia, tur siete continente y di e labo-
ratorionan cu nos lo tin riba planeta Mars y Jupiter pa e tempo ey..
Despues di 50 aña casa, ta dos aniversario significante tin ainda; 60 y
75 aña casa. Ta solamente algun pareha cu hopi suerte ta yega na 75
aña casa. Den mayoria di caso nan lo ta den nan 90 (of mas bieu) y
no tur ora sigur di kico nan ta celebrando.
Mi ta mira un pareha asina na un di e institucionnan di SABA caba:
“Servacion y Nonni, masha pabien ! 75 aña ta un logro grandi”.
Servacio: “Setenticinco aña? bo kiermen cu nos ta den e luga aki
75 aña caba? Con bieu mi ta anto?”
Nonni: “E ta papiando di nos aniversario di boda. Nos ta hunto 75
aña caba Bacho.”
Servacio: “Setenticinco aña? Hesuseeee! Dia cu pastoor de Haas
a bisa: ‘te dia cu morto separa boso’, mi no a realiza cu e lo a dura
asina largo”.
Si mira bon, tin numbernan cu ta mas significante cu otro den nos
bida.
--- Nos ta gusta number 2 pasobra e ta menciona un pareha como “un
par”. Dos ta un number cu nos ta usa hopi sea cu nos ta reserva un
mesa na restaurant of cu otro cos. “Un mesa pa dos”. Nos ta parti un
cuminda di chines den dos. Nos ta cumpra un sandwich di Subway pa
parti den dos.
---Cuatro ta un di mi numbernan tanto favorito como no favorito . No
favorito pasobra 4 ta e number cu nos no kier riba rapport of lista di
examen. – Di otro banda, 4 ta e cantidad di temporada cu tin den un
aña pero tambe e cantidad di siman cu bo ta haya den un luna.
Esnan cu ta sigui deporte mundial ta ripara tambe cu den tennis, ta
cuatro Grand Slam tin y den golf tin 4 campeonato Major.
Nos a caba di goza di Weganan Panamericano, y mes ora tur hende
a cuminza papia di Weganan Olimpico Rio 2016. Weganan Olimpico
tambe ta tuma lugar cada 4 aña y campeonato di futbol mundial tambe
ta cada 4 aña.
DIALUNA 10 AUGUSTUS 2015
Por poco mi a lubida cu 4 ta tambe e cantidad di biaha cu Kodoy a
casa.
ta 7 ? – Boso ta corda e storia di Sneeuwwitje, Sneu Blanco? E no
tabata tambe cu 7 enano ?
Tira bista riba deporte americano cu nos ta sigui, basketball di NBO y
Baseball Grandes Ligas. E playoff nan y serie final no ta di 7 wega?
Cu diez (10) por haci wega of por hunga, debi cu e ta dos number pega
formando un cantidad masha significante mescos cu su multiplicacion-
nan di diez.
Esaki por ta 10, 20 , 30 of 40 di un of otro manera por ta extremada-
mente significante pa nos.
Nos ta sinti nos mas bieu ora nos yega 30 aña. No ora nos yega 29
aña y no pasobra nos ta pega na 29 aña.
Cu un dozijn nos ta kere di lo por adkeri hopi cos. Mi por cumpra un
carton di un dozijn (12) webo. Purba bende un hende un carton di 11
webo. Casi sigur nan lo haribo den bo cara.
Pero un dozijn ta perfecto. E por ta webo, flor, donuts, y hasta un es-
posa na un of otro di e paisnan di Medio Oriente.
--- E number di suerte of di mala suerte ta 13. Pa mala suerte, nos ta
trata di evita number 13. Hopi edificio halto no tin piso 13. Di piso 12
nan ta bula pa piso 14.
Matrimonio di Beto di Griselda mes a kibra, ora cu Betto a comete e
error di hinca su mes cu su di 13 byside.
--- E cantidad significante pa mucha muher ta 16 – “Sweet Sixteen”
cu ta significa nan pasashi pa ta “muher”.. Mi ta kere cu awendia 16
ta tambe e cantidad di ora cu teenagernan como promedio, ta tira afo
riba Facebook.
Mucha hombernan ta wak mas leu cu 16. Awendia nan bista ( tambe di
mucha muher) ta riba e 18 pa por haya rijbewijs –
E numbernan di 16-18 y 21 a cay na awa hopi tempo caba pa locual ta
consumo di bebida alcoholico. Te ainda aunke cuanto ley y reglamento
tin cu ta regla e asunto aki na 21 aña, e dolor ta cu no por domina e
hobennan di 13 pa 17 aña pasobra nan conoce tur birada pa logra
“nan bebida alcoholico”.
Tempo nos tabata mucha tur cantina rumshop tabata tin papel contra
muraya heplak cu ta menciona prohibicion di consumo di alcohol pa
esnan bao di 16 aña. Si tin cu puntrami, mi lo contesta: “Segun mi e
nunca a funciona”.
Si bini cu prohibicion na 21 aña di edad mes, mi no ta mir’e ta funcio-
na. Bao di mata, den skina di cura unda tin bari di sushi, ta un minimo
di 21 bleki of boter di cervez lo haya. Si tabata tin un fiesta pa celebra,
esey ta nada den comparacion.
50 ta mitar siglo, un number significante. --- Ora bo yega 50 aña di
edad, bo ta na mitar caminda pa 100 y bo lo por yega eynan si bo tin
mes bon condicion cu ...... mihor mi no menciona nomber aki.
Hopi hende na 50 ta cuminza conta e cantidad di cabey cu nan tin
ainda riba nan cabez. Masha poco number por wordo compara cu 100
den significacion – Yegando 100 bo a bira un centenario. Esey ta
suficiente edad pa bo por bisa tur hende unda cu ta: “Hobennan con
ta bay?” Sigur ta cu ta un honor pa bo por ta riba lista di 100 sea
cu bo ta den top 100 di tennis of di e lista di 100 personanan cu mas
influencia na mundo.
Bo por ta tambe un di e prome 100 personanan pa saca un “selfie
cu Ban Ki Moon di Nacionnan Uni, manera presumiblemente, apar-
entemente, posiblemente, prome ministro di Aruba a haci reciente-
mente, segun redashi cu pronto lo por sali for di otro banda politico.
Juby Naar