Page 6 - UTILITIES
P. 6
6 AWEMainta Dialuna, 13 November 2017
A uza tubo di 10 duim pa mehora fluho di awa den Saliña
FRANK Benita, hefe Beheer Waterschap, tabata pre-
sente den e rueda di prensa cu director di DOW y a
splica cu e seccion ta atende tur loke ta concerni mane-
ho di awa y tabata envolvi den e trabou cu DOW a
haci na Santo Largo hunto cu WEB, pa drecha e fluho
di awa sala pa e Saliña y evita cu Mangrovenan ta sigui
muri.
For di luna di maart un team di DOW a subi riba caya
pa cuminsa cu e trabounan di drecha e tuberianan na
Santo Largo, cu a kibra ora cu un compania di utilidad
WEB a kibra esaki durante trabounan cu tabata wordo
haci pa tira kabel di alto voltahe for di e refineria pa
nan planta.
A tira 4 tubo (PVC) di 10 duim for di un banda di ca-
minda pa e otro. “Esaki tabata pa garantisa cu e fluho
di awa ta constante, esta cu ora e awa subi of baha e
awa ta sigui core pa e Saliña. WEB di su banda a coba
e caminda pa e hendenan di DOW sa unda e kabelnan
ta poni pa evita cu ta mishi cu nan. Den dos dia a haci
e trabou aki pa habri y pasa e tubonan.
A haya un problema chikito ora cu e tubonan no por a
sali e otro banda, y mester a habri e caminda 2.5 mete
mas y a bin constata cu e kabelnan no ta core straight
y esey a causa cu e tubonan tabata pega. Na final a
logra keda cla. A constata mesora cu e fluho di awa pa e
Saliña a mehora. Awo e condicion ta bek manera antes.
