Page 13 - AM230113

Diabierna, 13 Januari 2023
Curso pa principiante tocante
manifestacion y e uzo di yerbanan
AWEMainta COMUNIDAD 13
ecientemente Empowerment Queen den
R colaboracion cu Shelo y Tera a presen-
ta nan prome curso pa e aña aki. E curso ta-
bata hiba como titulo “Manifesting Synergy:
the power behind herbs and intentions” nan
a enfoca riba traha bo intencionnan hacien-
do uzo di yerba pa bo manifesta loke cu bo ta
desea pa e aña nobo na caminda.
Esnan cu a atende a siña di e historia y bene-
ficio nan di e diferente yerbanan, cual algun
di nan ta crece aki na Aruba mes. Durante di
e curso nan a splica tambe con bo por ampli-
fica e poder di bo intencion y manifestacion
haciendo uzo di e yerbanan, tur esaki sigur
cu intencionnan puro y autentico.
E meta principal di Empowerment Queen
ta pa inspira, empodera, educa y conecta
hende, cu un enfoke special riba e ser
femenino. Ilustrando asina e poder y esencia
di hermandad.
Durante di e curso, participantenan a haya
e tempo y espacio pa absorbe tur e infor-
macion nobo como tambe oportunidad pa
reflexiona riba loke berdaderamente ta nifica
pa ta bo mes, autenticamente y berdadera-
mente bo mes. Y tambe ki ora ta momento pa
bo blokia mundo un rato y e expectativanan
irealistico y biba manera abo kier y sin tin
cu duna splicacion na ningun hende, riba bo
mesun poder.
Empowerment Queen kier gradici Josi, di
Shelo y Tera, pa comparti su conocemento y
pa tin asina un bunita impacto riba tur hende.
Mi kier a invita e comunidad di Aruba pa sigui
sostene nos negoshinan chikito local door di
cumpra bo mezclanan di te, mezcla di yerba,
bela y smokies na Shelo y Tera.
Un danki na Piso Tres pa e bunita espacio
y danki special na tur esnan cu a atende e
curso. Esaki ta e prome di hopi, asina ta sigui
Empowerment Queen y Shelo y Tera riba
Facebook y Instagram pa tur informacion.