Page 7 - diario dec 1
P. 7
PAGINA 7
Ya caba DTI ta dunando cita pa 2016DIAMARS 1 DECEMBER 2015DIARIO
ora kier keur auto
ORANJESTAD (AAN):
Tabata tin un temporada cu
weekend DTI tabata duna
cita y tabata hopi druk. Hefe
Interino Enrique Maduro a
splica durante fin di aña ta
organisa riba diasabra cu e
extra keuring, extra inspeccion
di auto y esaki a tuma luga un
biaha so e aña aki. Esey ta pa
motibo tambe cu no a haya
interes di personal pa duna
cooperacion pa traha riba e
diasabranan y asina ey no
por a sigui cu esey. Pero den
pasado si tabata asina.
Den pasado tambe, na fin di
aña semper tabata stop cita.
No ta duna cita mas, asina cu
december yena, te ey e ta keda.
Te januari ta cuminsa bek pa
duna cita. E aña aki a bay otro,
pa motibo cu specialmente ta
paga adelanta, por sigura cu
e hendenan ta bin sigur. Awor
ta dunando cita pa januari en
adelante. Hendenan por haci
nan cita cu nan tin sigur, ya
cu hopi hende den fin di aña,
e keuring a caduca, pero ya cu
no tin cita y no tin keuring riba
diasabra, por lo menos nan tin
un siguranza cu nan tin un
cita pa otro aña, asina cu aña
habri.Awor ta tumando pa dia
11 en adelante. Ta preparando
oficina y personal pa reunion,
repasando e ley, y planning
pa e aña y tambe haci algun
mantenimento den esakinan,
segun Maduro.
DTI ta trahando y asina aki
tambe tin problema cu e
programanan. Ora cu tin un
server cu a cay, caminda cu
ultimamente a bay wak si
por a haci uso di e programa
pa controla tur e trabaonan
di henter aña, e programa ta
blanco blanco y pa haya e
cooperacion den esaki cu por a
dreche of traha un nobo, tabata
dificil. Solamente ora cu e cay
den tal manera cu no por draai
mas, e ora ta bin haya ayudo
den pura pa wak un manera
con por sigui draai.
Si no por pone nada den e
programa, tin cu haci’e na
man. E problema cu tin tambe,
cu tin un chef, cu tampoco no
por draai e seccion aki. Eynan
tambe ta un poco pega. Tin cu
usa un chef pa dos seccion y
dne e caso aki e seccion aki ta
keda neglisha un poco y esey
ta trece consecuencia cune
riba e control di e personal y
tambe tin personal cu tin biaha
cu tin cu draai cu un persona so
den e seccion y busca otronan
den otro seccion cu por yuda,
segun Maduro.
