Page 2 - LOTTO

20 AWEMainta Diahuebs, 10 December 2015

Awor por prueba adres, orario y nomber di esun cu a tuma e envelop

Post Aruba N.V. ta introduci
“Electronic Proof of Delivery”

Servicio di Impuesto a saca cobransa di
“Winstbelasting” via sistema moderno y digital

A base regular Post Aruba N.V. ta haci tur locual ta posibel pa por promove mas

eficiencia y pa por entrega carta, paki of carga mas liher posibel na clientenan. Den
esey ta purba acelera e proceso p’e sosode cu mas rapidez, banda di un sistema den
cual ta garantisa cu a ricibi e pakete na otro banda. Ta p’esey a lansa e producto nobo
“Electronic Proof of Delivery”.
Un di e prome clientenan cu lo haci uzo di e servicio moderno, pero sigur aki, ta
Servicio di Impuesto Aruba, SIAD. Pa prome bes nan lo parti tur envelopnan cu co-
bransa di “Winstbelasting” via Post Aruba N.V., cu awor por garantisa cu ta entrega e
envelop den e tempo acorda y por prueba ki ora, unda y ken a ricibi e envelop tambe.
Post Aruba N.V. a ricibi un total di 7261 envelop pa parti na Aruba y 109 envelop cu
mester bay pa diferente destinacion den exterior.
E servicio ta inclui cu cada partido di carta ta haya un tablet, cu nan ta hiba cu nan
p’e ciudadano por firma den forma digital riba dje. E sistema ta raporta ki ora, na ki
adres y e persona ta firma pa ricibi e envelop. Esaki ta sirbi como “prueba” p’e cliente,
den e caso aki Servicio di Impuesto, pa ta sigur cu e envelop a yega su destinacion.
Pa Post Aruba N.V., e sistema nobo ta bira un servicio adicional pa usuarionan di nos
compania nacional di post.
Tur cliente, specialmente comercial, por pidi un garantia cu firma, orario y adres unda
a entrega e envelop. Hopi biaha un secretaria of bode ta tuma envelop p’e compania
pero no ta entreg’e n’e persona concerni. Esey ta haci cu lamentablemente e culpa
ta bay riba Post, comosifuera cu no a entrega e envelop mes. Cu e sistema nobo tur
esey ta pa pasado!