Page 36 - Extra 6 februari 2018.pdf

36 Djamars 6 Febrüari 2018
Kontinuashon di pagina 11
Komishon di ekspertonan aviso@extra.cw

atministrativo na Sint
Eustatius i e relashon entre
e isla i Ulanda.
Segun e rapòrt
gobernashon di e isla na e
momentu ei no ta funshoná
segun e órden hurídiko
ni segun e órden estatal.
Gobernashon a bira lomba
kontra Ulanda.
Esaki ta un di e
motibunan grandi pa e
krísis entre Sint Eustatius
i Ulanda. Den e rapòrt ta
spliká ku pa hopi tempu
no tabatin un maneho
opvio di Ulanda ku islanan
di BES, en partikular ku
Sint Eustatius. Komo
konsekuensia di esaki
pueblo di Sint Eustatius ta
sinti su mes marginá.
Den e rapòrt tin
atenshon pa e proseso for
di 10-10-’10 i tambe pa
e situashon difísil ku ta
eksistí entre ámtenarnan
riba e isla ku tin ku traha
ku diferente ministerionan
na Ulanda. Konklushon
ta ku e situashon na e
momentu aki no por sigui
pasobra e gobernashon
aktual a konkistá un nivel
di outonomia ku Ulanda no
tin ku tolerá, e Komishon
di Ekspertonan ta skibi.
Segun e rapòrt no ta
deseabel ku e situashon ta
sigui te elekshon den aña
2019. Esaki ta motibu ku
e komishon ta konsehá
gobièrnu di Ulanda pa
intervení. Konsekuensia
di e intervenshon ta
ku konseho insular
no mag di reuní mas,
ku e diputadonan ta
pèrdè nan trabou i ku ta
finalisá nombramentu
di gezaghebber interino
Julian Woodley. Segun e
rapòrt tin ku instalá un
komisario di Reino ku –
debí na e relashon di famia
na e isla i e eskala chikí
– no mester ta for di St.
Eustatius.