Page 17 - Djasabra 29 Aprel 2017.pdf
P. 17
Djasabra 29 Aprel 2017 17
Kontinuashon di pagina 16
Korupshon ta strobando
ta hasi bida di e pueblo
mas mihó. I esei ta tarea di
un Gobièrnu. Si un Gobièrnu
sigui bisa pueblo kada bes
ku ekonomia ta malu, nos
ta keda bai abou. Nos tin di
atendé ku korupshon i sòru
pa e plaka ku tin disponibel
ser bon destiná.
Kòrsou tin hopi plaka
pero esaki ta mal repartí.
Importante ta pa sòru pa
e plaka ei ta bon repartí,
asina tur hende por gosa di
bienestar.
Un otro ehèmpel ta CFT ku
ta bisa ku e último añanan
e presupuesto di Gobièrnu
tabata bon balansá i ku
tabata hibando un maneho
finansiero fantástiko. Pero
di otro banda ora ku puntra
e gobernante mes, no tin
sèn pa salubridat, bario ni
skol. Kon por ta ku tin un
presupuesto balansá, òf ta
trahando algu pa kumbiní
sierto gruponan ku si ta
konosé kresementu? No tin
kresementu pa pueblo, pero
pa otro gruponan si. Kon
por ta ku ora ku pidi pa subi
suèldu mínimo ku apénas
80 sèn pa ora, e grupo ku
ta bon kaba no ke p’esei
sosodé? Tin un kantidat di
edifisio ku Gobièrnu ta doño
di dje, pero no ta hasi nada
ku nan. Ta asina plaka ta
bai pèrdí.
Ta duna enkargo na
amigunan via di konsultent
pa traha rapòrt i asina
ta gasta miónes. Tin
empresanan chikí ku mester
di un kaha di BAB, nan no
tin esei. Asina por sigui
menshoná.
di nos e ta
