Page 6 - min.vos 13jan,2016

5800 hende falta pa busca nan zorgpas

on: January 12, 2016In: LocalNo Comments
Print Email

Te ainda tin un grupo grandi di hende cu no a busca nan zorgpas, cu ta ekivalente na 5800 hende.
A acerca Solange Tchong, vocero di AZV, kende a urgi pa e hendenan bin busca nan zorgpas
pasobra esaki ta importante pa haya servicio medico.
AZV a cera 2015, pa loke ta renobacion di zorpas, cu e cifra di 6800 asegurado cu no a busca
nan zorgpas. Ya caba awor aki por mira na comienso di 2016, tin entre tanto cu e suma aki a
baha y a bira e suma ya menciona di 5800 asegurado cu falta. Ta papia di e grupo atrobe di
alrededor di 60 mil cu mester a renoba nan zorgpas. Esaki a bay na satisfaccion di AZV. E bon
noticia cu tin ta cu a dicidi toch di sigui cu e servicio, dus a extende eigenlijk un invitacion na tur
persona cu ainda no a renoba e zorgpas y sa cu esaki a caduca den 2015, ta duna e servicio
rapido, e servicio extra. Ta extende esaki cu 2 luna mas. Es decir cu na e momentonan aki te cu
fin di januari, e grupo di 5800 persona por a haci uso di e oportunidad pa renoba zorgpas sin cu
nan mester warda. Kico kiermen cu esey, ta cu ta mantene e balienan extra specialmente pa duna
e cliente chens pa haci uso di e servicio di balienan extra unda nan ta haya servicio lihe pa
renoba zorgpas.
E 5800 personanan aki pa AZV ta hendenan cu ta den bon condicion, cu no tin ningun motibo pa
cual nan no por bin renoba nan zorgpas. Tin cu menciona tambe cu tin tambe e servicio di