Page 4 - MIN ON 24 MAART 2016

SIMAR ta reacciona riba Minister Hooyboer-
Winklaar Si Minister Hooyboer-Winklaar a bin mesa
desde e prome peticion, SIMAR lo no mester a acudi
na Minister Presidente Eman

Thursday, 24 March 2016 08:26
Comparti

Ta di lamenta cu Minister Hooyboer-Winklaar keto bay no ta compronde ta kiko e asina yama “Unfinished
Business” pa loke ta e caso di Unit Managernan di EPI ta encera. Mas aun ta di lamenta cu ta tilda SIMAR y
managernan di ta busca atencion y publicidad, mientras cu ta nan derecho ta ser busca. Segun directiva di
SIMAR, e malcomprencion aki ta pa e simpel motibo cu e Minister a prefera di skohe pa no atende e asunto
na mesa.

For di su declaracion di diamars ultimo por constata un biaha mas cu Minister Hooyboer-Winklaar no tin
informacion corecto di tur loke e peticion di Unit Managernan di EPI ta encera. SIMAR ta di acuerdo cu
Minister Hooyboer-Winklaar no por traspasa conseho di instancianan concerni, pero si ta kere cu banda di
basa riba regla y ley, e Minister mester basa riba tarea di e managernan, responsabilidad cu nan ta carga y
riba e trabou eherci pa dos persona en bes di tres desde aña 2005. Es decir cu pa 11 aña consecutivo, pa
motibo di cambionan di structura di EPI. En espera di ahustacion riba cual apenas na januari a cuminsa
traha, e managernan ta pendiente pa ricibi pago pa nan trabou, incluyendo “overtime” di e añanan
menciona. E parti aki, cu ta inclui gratificacion y “toelage” cu nunca e managernan a ricibi y no a ser
negosha completamente, ta loke ta ser yama “Unfinished business”. Directiva ta di opinion cu no por crea
presedente, ya cu e managernan tin MB di enseñansa y tin tarea y responsabilidad cu otro ambtenaar no tin.
Pa loke ta e oferta di Minister di 6 luna pasa, e managernan a acepta un parti, cual ta ahustacion di nan
salario y a pidi splicacion di cifras, cu te awe SIMAR no a ricibi. Tampoco a papia mas tocante di e pago di
esaki. Manera Minister mes ta menciona, e parti di gratificacion y “toelage” no a ser acepta, pa cual a haci
peticion na final di october pa bini bek na mesa. Esaki te cu awe no a tuma lugar. Mester remarca, contrario
na Minister su expresion cu SIMAR y managernan ta “lobby” pa mas placa, cu no ta un limosna ni un fabor
ta ser pidi, ni ta trata di convence ningun mandatario pa cambia di opinion, sino cu e managernan ta
exihiendo nan derecho pa trabounan eherci pa 11 aña y cual ainda nan ta cargando sin opta pa atacha e
proceso di enseñansa. Articulo 25 di LMA ta referi na un toelage di 10% te cu 25 %, cual un cabesante
responsabel pa maneha un scol primario di 3 klas, 90 alumno, 3 maestro y un werkster (merecidamente y
asta mester ta mas) ta ricibi, mientras ta nenga e Manager di EPI cu ta responsabel pa maneha un scol cu 30
docente y 400 studiante e “toelage” aki. Esaki ta un ehempel den enseñansa, fundeshi di nos pais. SIMAR
no ta ni menciona ehempelnan di ambtenaarnan pafor di enseñansa, cu menos responsabilidad cu si ta gosa
di 10% of asta 25% di “toelage”. Pa loke ta e “organogram” apenas na januari a cuminsa traha riba esaki.

E tarea di e managernan no tabata ni existi, pues atrobe ta trata di “futuro” di e managernan, cu porcierto
ainda ta un misterio, otro punto cu SIMAR kier a trata cu e Minister. Esaki ta parti di e trabounan di
implementacion di restructuracion salarial di cual SIMAR ta formando parti. Pa termina SIMAR kier
remarca riba algun comentario di Minister Hooyboer- Winklaar. Cu a reuni y a copera cu SIMAR acordando
pa mas ora pa trabou sindical no tin nada di haci cu e posicion huridico y derechonan di managernan di