Page 1 - AM200707
P. 1
Juli 7, 2020
www.awemainta.com
www.facebook.com/awemainta
noticia@awemainta.com
583-1400
VELOCIDAD HALTO
A CAUSA CU NISSAN
MARCH A BOLTER
DIALUNA MAINTA
DIALUNA mainta den careda di 9:15, Polis
a wordo poni na altura cu un auto a bolter
riba Avenida Nelson O.Oduber, un poco mas
panort di Super Food.
Na yegada di Polis a bin topa cu Nissan
March mey-mey di caminda riba su dak.
Por a nota cu e chauffeur a ranca un pal’i luz
tambe.
Polis a papia cu e chauffeur, pero a nota cu e
ta herida y tambe cu e lo a haya sla na cabes.
A bay over pa cera e caminda y desvia trafico,
mirando cu e auto ta riba caminda benta.
Den algun minuut ambulance a yega y a
cuminsa atende cu e chauffeur y despues a
transporte pa Hospital. Elmar a wordo poni
na altura dor cu un pal’i luz a sufri daño.
TRES PERSONA HERIDA DESPUES CU
NAN A BOLTER CU UN SUZUKI SAMURAI,
PABAO DI NATURAL BRIDGE
DIADOMINGO atardi pa mas o menos 6:30 alarma a wordo bati
pa un auto cu a bolter. Mesora un patruya di Santa Cruz a sali p’e
sitio. Na yegada e ta confirma cu tin un Suzuki Samurai gebolter y
tin tres persona herida di cual uno ta serio.
Ya tres ambulance tabata na caminda p’e sitio. Na yegada nan a
bay over pa transporta esun di mas grave. Y despues a lanta e otro
dosnan y ponenan den e ambulancenan. Tur tres ta na tino y tabata
comunica cu e Polisnan y e Paramediconan.
No ta conoci di cua banda e Suzuki Samurai tabata biniendo, pero si
por bisa cu ta un accidente basta serio mirando unda nan a bay cay.
