Page 30 - MIN SOC 22 DEC 2015

AWEMainta Diamars, 22 December 2015 13

Exitoso Christmas
Brunch di Taoist
Tai Chi Society
Aruba

DIADOMINGO 13 di december 2015, mas cu 90

miembro di Taoist Tai Chi Society Aruba (TTCSA) y nan
famia y amigonan a bin hunto pa un Christmas Brunch.
E biaha aki el a tuma lugar na Alhambra Ballroom. E
potretnan adhunto ta mustra con e ambiente tabata y
con bunita e ballroom tabata decora.

E aña aki dos huesped di afo a uni n’e celebracion, esta
Dave Frame y su señora Nicole. Dave ta miembro di
directiva di e Sociedad Internacional y alabes Presidente
di e Taoist Tai Chi Society di Canada. Dave y Nicole ta
instructor internacional y den pasado, dos biaha a guia
workshop internacional na Aruba. Nan a namora di e
isla y aña pasa a cumpra time sharing. Esey kiermen cu
nan lo bishita Aruba cu regularidad.

Dave Frame y Irena Croes, presidente di TTCSA, a dirigi
palabra na esnan presente tocante e tema di paz interno
y con e practica di Tai Chi por yuda hende pa tin paz
interno mientras mundo rond di nan ta den chaos.
Despues di a saborea e dushi platonan, tur hende a bay
cas contento y cu e bon intencion pa e aña nobo pa sigui
practica Tai Chi cu hopi dedicacion.