Page 10 - AVB
P. 10
ORANJESTAD (AAN) – Dialuna anochi e campeonato di futbol femenino di Arubaanse
Voetbal Bond – AVB a continua den stadion Guillermo Trinidad unda e ekiponan di
Riverplate y Nacional a topa otro.
Mester bisa cu pa Nacional esaki ta nan prome campeonato den futbol femenino pues
nan ta pasando den un proceso y experencia mientras nan ta lucha contra e mihonan.
Nan tin un ekipo hoben y pa otro aña no tin duda cu nan lo por duna mucho mas
bataya cu un miho tecnica y tactica di wega.
Di otro banda Riverplate tin un ekipo basta stabilisa cu tremendo hungador. Den e
campeonato actual ya caba nan a sa di piki victoria contra di e dos grandinan
esta Britannia Damas y Rca Damas.
Den e partido di Dialuna contra Nacional, e ekipo Rioplatense a sali brabo unda den e
prome tempo nan a anota 4 gol mientras den e di dos tempo nan a anota 3 gol mas pa
e partido finalisa 7 – 0.
