Page 4 - AVB
P. 4
Koopman a sigui splica cu tin mester di varios cos. Tur hende por pensa riba esey. Mester
di mas miembro di staff, entre otro fisioterapistanan, como tambe teammanagers, pa asina
por run un academia. Con pa yega na e medionan aki, ta preguntanan cu ta wordo haci.
Lo ta hopi interesante pa otro bondnan forma parti di e academia, no solamente futbol,
sino softball, volleyball, con pa yega na e medionan pa asina nan por bira mas fuerte y pa
stimula muchanan pa haci deporte.
Pa esey mester di fondo. Koopman a splica cu mester di hende pa haci e deporte mas
fuerte y e tin e hendenan aki. Pero pa esaki mester tin un escogencia pa hendenan cu por
maneha por ehempel muchanan bao di 8 of bao di 5 aña.
A cuminsa cu dos proyecto cada uno di 6 luna, unda cu un grupo a bay Florida y e otro
St. Lucia. Tabata un estimulo grandi, segun e director tecnico. Tabata un preparacion
basta largo di loke nan por topa cun’e.
Pa loke ta e academia, segun Koopman, a haya varios pregunta. Tin seleccionnan cu ta
cuminsa for di bao di 11 te cu e seniorennan. Pa damanan tambe tin for di bao di 15 aña
te cu senioren.
Tambe e profesional a toca tema di transporte, unda cu e muchanan ta wordo busca for di
un luga, unda cu ta cerca di scol, pa despues bay e academia y ora nan keda cla, nan ta
hiba nan bek cu transporte. Tambe esey ta loke a prepara pa asina e academia por bay den
funcion.
Den cada cultura ta asina, cu tin obstaculonan. No solamente tin’e na Aruba. E director
tecnico a traha varios caminda caminda el a haya obstaculonan y tin cu purba di kibra
esaki y dirigi na un caminda cu por haya esaki menos posibel. E por, pesey mester tin
