Page 12 - ARUBA BANK

A31
LOCAL Diabierna 27 OctOber 2017
FTA a gana referendum di trahadonan di departamento

di Beverage di Hyatt hotel

ORANJESTAD – Ayera tardi, sindicato FTA a logra e
mayoria di voto di e trahadonan di departamento di
Beverage (bar) di Hyatt hotel durante un referendum
cu a tuma luga na MFA Noord.

Mediador di gobierno, Anselmo Pontilius a declara na Bon
Dia Aruba cu esaki ta e di dos referendum di e trahadonan
di Hyatt hotel cu a tuma luga . E biaha aki 32 trahadonan di e
departamento di Beverage por a vota, pero di cual solamante
20 trahado a haci uzo di e derecho aki hancra den nos ley y
constitucion. Tur 20 trahado a vota pa FTA representa nan
sindicalmente. Aunke 12 trahado no a participa den e referen-
dum aki, e 20 cu si a vota na fabor di FTA tabata suficiente pa
e sindicato menciona a gana e referendum aki.
“Kiermen cu e sindicato a haya mayoria di 50% mas 1%, con-
secuentemente nan lo representa e trahadonan”, el a bisa.

Sr. Pontilius a laga sa cu departamento di mediador di gobierno lo haci un apelacion na geren-
cia di Hyatt y tambe FTA, mirando e situacion cu tin aworaki riba mesa, ta importante pa nan
sinta y supera e diferencianan cu por tin.
“E trahadonan tin un libertad pa haci uzo di nan derecho y esey no por wordo obstaculisa,
segun sr. Pontilius.
Consecuentemente nan a papia ayera mainta cu e abogadonan tanto di Hyatt hotel como di
FTA, y den oranan di merdia mediador di gobierno a haci un apelacion pa e partidonan bay
mesa. Dia 3 di november tin otro referendum na caminda pa un di e otro departamento di e
hotel aki.