Page 42 - HOH

Na 2013, aña di eleccion di un Aruba cu no tabata conoce su realidad, Raad van Advies
ta trata e autorisacion cu a wordo pidi pa Ministro Benny Sevinger por a atende e
proyecto di Watty Vos Boulevard.

Raad van Advies ta spierta contra proyectonan PPS y ta tuma Green Corridor como
ehempel. Raad van Advies ta splica cu durante 20 aña Aruba lo mester paga 20 Miyon
pa aña. Raad van Advies ta mustra riba e rapport di Fondo Monetario Internacional cu e
proyectonan aki lo aumenta e gastonan di gobierno cu ya tabata tin debe halto pa

pueblo paga.

Gobierno anterior a ehecuta e proyectonan y manera e Raad van Advies a spierta, a
entrega Aruba e yugo di 400 Miyon por lo menos pa futuro.

Na 2016 Raad van Advies ta ricibi e proyecto Citgo. Na augustus 2016 Raad van Advies
a mustra riba tur e riesgonan di e proyecto, cu a wordo introduci contra regla legal di
Aruba y ta cuestiona e caracter legal di e acuerdo cu a wordo introduci contra leynan di

Aruba.

Awe Citgo a bay y Aruba ta den un desaster financiero, cu un debe nacional pa cual
Raad van Advies a spierta.

Pa finalisa e analisis aki, nos tin un pregunta. Si tene na cuenta e realidad exponi, con
gobernantenan anterior y miembronan di parlamento cu a sostene e gobierno anterior
por papia awe di Raad van Advies?

Acaso no ta asina cu si nan a respeta Raad van Advies y tambe Algemene Rekenkamer,
nos leynan y nos sistema, awe Aruba no mester tuma medida pa paga e desastre cu
nan a laga atras!