Page 11 - BNDIA ARUBA

a11
local Diahuebs 9 Januari 2020
Quota International of Aruba:
‘Lo sigui conscientisa tocante uzo di earplugs’

ORANJESTAD – Temporada di carnaval a yega, ora cu
Quota International of Aruba ta conscientisa cada per-
sona cu atende parada of esunnan cu ta wak parada pa
cuida nan oido pa motibo di musica duro pa oranan
largo.

Ivy Simon-Hernandez, presidente di Quota pa 2019- 2020 a
duna di recomenda cu pa carnaval 66 persona sigui cuida nan
oido, mirando cu hende tin biaha no sa con grave e por ta pa
perde oido.

E aña aki conhuntamente cu cooperacion di WEB, cu a haci
donacion, lo entrega earplugs di gum pa muchanan cu lo
drenta pa otro siman. Ademas tin esun cu a introduci aña
pasa, e caha nobo cu e earplugs caminda e persona por haci
uzo di dje y ora e parada caba, nan por laba esaki y pone den
nan caha pa uza un otro biaha.

Tin 5 diferente color cu e persona por uza, pero Simon-Her-
nandez ta remarca cu hende no gusta uza e cabuya y ta corta
esaki, sinembargo ora haci esey ‘e ta perde efecto’.
Di e forma ey e earplugs ta bay perdi.

E aña aki nan lo bin cu earplugs sin cabuya, e ora ta bira mas
facil pa esunnan cu kier e earplugs asina. Sinembargo e ta spli-
ca cu hende no ta mira e facilidad di eaplugs aki, pa motibo cu
no ta draai y tin su forma caba. Durante e parada, e persona
por kita esaki di horea y no ta perd’e pasobra e cabuya ta keda
na nek.
Simon-Hernandez a bisa cu nan lo keda cu nan trabou bol-
untario di bay cu nan colega durante e parada cu lo tin. El a
agrega cu tin grupo di carnaval cu a pidi caha pa nan partici-
pantenan, pero nan enfoke ta keda riba e muchanan.

Durante e luna di januari nan lo cuminsa duna nan lectura na
scol, pa asina duna e mensahe di conscientisacion. Tambe e ta
bisa cu nan ta ripara cu e mesun muchanan ta pidi florin cerca
nan mayornan pa cumpra earplugs.

El a bisa cu ta agradecido cu WEB y Glen Rock, kende ta esun
cu lo presenta pa e klas. Nan ta hayando varios pedido te cu
kleuter, pero Simon-Hernandez ta bisa cu e muchanan aki
ta mucho chikito. Sinembargo ta importante cu for di edad
hoben nan ta consciente caba.

Nan ta sigui bisa pa cada mucha of persona cu atende carna-
val no bay patras di speaker, of uza medionan pa proteha nan
oido, pa motibo cu na momento cu e zonido duro yega, ta e
parti cu oido ta bay perdi. “Nos no sa ki ora e ta bay perdi,
pasobra efecto no ta sinti’e di biaha, pero segun tempo ta bay
ripara e daño cu a causa.”

Pa tur esunnan cu kier obtene earplugs por pasa cerca tur
miembro di Quota mes, tur tin disponibel. Tambe nan lo tin
na Mrs. Minute den caya, Botica Paradera, Giselle Noord,
Maggie’s den caya of por yama 592-2083. Tambe pa cualkier
grupo di carnaval cu yama ta pasa personal pa entrega e carta.