Page 1 - AM201127
P. 1
November 27, 2020
www.awemainta.com
www.facebook.com/awemainta
noticia@awemainta.com
583-1400
GOBERNADOR DI BISHITA
Gobernador di Aruba, Alfonso Boekhoudt, diarazon 25 di november, a haci
un bishita di trabou na Maria School situa na Santa Cruz. Señora Jahaira
Marugg (Director) y señora Sislaine Lacle (Asistente di Enseñansa) a ricibi
Gobernador Boekhoudt. Meta di e bishita tabata pa haya un impresion di
con a duna les online, teniendo poco recurso tecnico, durante e periodo cu
e scol tabata cera pa motibo di Covid-19.
E alumnonan di eerste klas a declama un poema pa Gobernador y esnan
di tweede klas a duna un spreekbeurt tocante e origen di Maria School. E
alumnonan di klas 3B a dedica un cantica na Gobernador.
Seguidamente a pasa pa bovenbouw, unda e klasnan 4, 5 y 6 a duna un
presentacion pafo, dilanti di e overdekte. E bishita di trabou a finalisa
cu entrega di un regalo na Gobernador y Directiva di e scol a gradici
Gobernador Boekhoudt pa su bishita.
