Page 45 - MIN VOS

8 AWEMainta Dialuna, 28 Augustus 2017

Rene Herdé:

Comparacion: gobernacion di MEP vs. gobernacion di AVP

Hechonan ta mustra ta pa ken mester vota pa Aruba bay dilanti!

ORA di tuma decisionnan importante den
bida, hende racional ta busca informacion
concreto pa crea claridad den nan mente y paz
den nan curason. Asina nan por tuma un bon
decision.
Nan no ta laga emocion of opinion di otronan
influencia nan decision final.
Nan ta busca hechonan pa basa nan decision
riba dje. Dicidi pa ken vota den un eleccion ta
un decision importante. P’esey informacion
concreto di hechonan ta importante pa hende
uza den tuma nan decision, segun Rene Herdé.

Pa yuda den esey nos ta duna aki un prome
comparacion di hechonan cu tur hende por
controla y verifica pa nan mes. E comparacion
di 8 aña di gobernacion di MEP y 8 aña di
gobernacion di AVP, ta mustra bon cla ta cua
partido a goberna nos pais bon, soluciona prob-
lemanan cu e pais tabatin y crea oportunidad
nobo pa nos pais y nos hendenan bay dilanti,
Herdé ta splica.

E grafico cu e comparacion di con nos pais ta na
fin di 8 aña di gobernacion, ta duna tur hende
un bon base pa nan tuma nan decision pa ken
nan mester vota. Esaki ta un comparacion riba
algun punto importante pa evalua un goberna-
cion. Tin mas punto y p’esey lo sigui cu mas
comparacion! Herdé ta termina bisando.