Page 85 - MIN VOS

avansenan cientifico pa evita cu tin un problema door di algo cu awor aki ta
evitabel. Asina bo por convence.
E ta algo hopi individual. Por ta otro cliente tin otro punto di bisa of

pensamento. Por yama Departamento di Salubridad Publico pa asina duna mas
informacion riba esaki.

Tin vacuna contra sarampi, contra cacheton, contra rubella. Tin otro vacuna cu

ta contra difteria, tetanus, polio, kinkhoest y otro cu ta contra HPV, cual ta e
principal causa di cancer na boca di matris. Cada un di nan ta un malesa riba su

mes. Esun di HPV, ta ofrece inicialmente pa awor aki unicamente na mucha
muhenan di 6de klas na scol basico. E otronan ta pa tanto mucha muhe como
mucha homber.

Tin un registro di vacunanan. Si un mucha a bay Wit Gele Kruis y no a haya
cierto vacunanan, na scol mes, sa caba cu e ta vacuna y no mester haya vacuna

mas, pasobra tin un registro. Sa ken lo por tin mester y ken no, pasobra el a
haya caba.

E vacunanan aki ta sigui traha, pero te ki tempo. Riba esaki Cortes a splica cu
tur vacuna en principio tin duracion largo. Pesey mester cierto booster, pa por

garantisa cu tin proteccion pa hopi mas tempo.
Vacunacion ta duna proteccion largo.
Vacunacion ta tuma luga na scol basico, cual ta tur e muchanan cu ta den 5de

klas, ta rond di 1500 mucha. Mas of menos 700 mucha muhe cu ta den 6de klas
y tambe kleuter, ta varia, dependiendo con hopi mucha a bay na Wit Gele Kruis

prome pa tuma vacuna. Por bisa cu tin un averahe di entre 50 pa 60% di
mucha, cual ta rond di 700. Durante cada aña escolar tin tres campaña di

vacunacion. Uno ta na September, e otro na November y e otro na Juni. Si
durante e prome buelta di vacunacion pa un of otro motibo ta ausente, tin dos

chens mas pa vacuna e mucha, Cortes a splica.