Page 3 - AB
P. 3
14 AWEMainta Diahuebs, 19 November 2020
Fundacion Parke Nacional Aruba ta lansa su prome
“Nature Photography Competition 2020”
DURANTE un conferencia di prensa, Fundacion
Parke Nacional Aruba (FPNA), conhuntamente
cu ARTN Photograpy y Aruba Bank a duna inicio
pa loke lo bira e prome competencia di fotografia
di naturalesa organisa pa FPNA.
Naturalesa a bira mundialmente un di e
actividadnan di recreacion mas popular durante
e ultimo lunanan. Bishitantenan por recrea y
relaha disfrutando asina di e bunitesa y rikesa cu
naturalesa ta ofrese.
FPNA como e fundacion encarga cu maneho di
Parke Nacional Arikok, sitio Ramsar Spaans
Lagoen, Parke Marino Aruba y reservanan natural
ta invita un y tur cu tin un pasion pa fotografia pa
explora e areanan aki y captura e rikesa di nos
naturalesa y asina aki tambe participa y recrea
den e areanan protegi na un manera sostenibel.
E competencia lo conta cu 2 categoria di
participacion. Categoria 1 lo ta “Young Nature
Photographer of the Year” pa muchanan te cu 17
aña di edad. Categoria 2 lo “Nature Photographer
of the Year” pa adultonan riba 18 aña di edad.
E ganadornan di ambos categoria lo ricibi un
premio di Afl. 500,- cash y lo wordo ilustra ariba e
carchinan di miembrecia anual di Parke Nacional
Arikok.
Diamars 24 di november proximo, lo oranisa un
workshop di fotografia, cual lo wordo presenta
pa Ayrton Tromp di ARTN Photography unda
lo duna un tayer basico di fotografia, p’asina por
saca e mihor potretnan.
Inscripcion ta habri caba te cu 6 di december y ta bay
solamente via reservations@arubanationalpark.
org. Tur informacion di e competencia ta disponible
riba e sigiente link: https://adobe.ly/35EtkFu y
sigi nos riba Facebook: Aruba National Park.
Manera menciona Aruba Bank ta uni cu Fundacion
Parke Nacional Aruba den e prome competencia
fotografico di nos naturalesa pa mucha y adulto.
Participa!!!
