Page 16 - AM201027

16 AWEMainta Diamars, 27 October 2020

MInisterio di Boluntario di Freewinds ta haciendo

recreación mas sigur pa nos comunidad

Ministerio di Boluntario di Freewinds ta percurando pa nos comu-
nidad por goza di recreación, den e temponan difícil cu nos ta pas-
ando aden, sin mester pensa cu por plama Covid-19.
Rapidamente Ministerio di Boluntario di Freewinds ta desinfectan-
do lugarnan manera cinemas, picina publico y lugar di Bowling.
Pasando tempo liber cu amigo y famia t’e mihor manera pa hende
relaha y pasa un bon rato. Pero desde cu e pandemia a cuminsa sali
cu amigonan y famia a bira un dolor di cabes. Con un hende por sali
y keda liber di pega cu Covid-19?

E Ministerio di Boluntario di Freewinds ta yuda contesta e pre-
gunta aki dor di pasa n’e lugarnan di recreación den nos comunidad
y desinfecta esakinan rápidamente. E lugarnan mas frecuenta ta
wordo desinfecta y ta percura p’esnan cu yega n’e lugarnan aki por
relaha y disfruta sin problema. Pesey awor e facilidadnan di entre-
tenimiento ta hayando nan debido atención .

E Boluntarionan di Freewinds ta desinfectando e salanan di cin-
ema y e “snack bar” pa asegura cu e lugarnan den nos comunidad ta
liber di bacteria. Recientemente e salanan di cinema na San Nicolas

a wordo desinfecta cu Decon 7, e desinfectante mas fuerte cu tin
riba mercado awendia.

Sr. Marvin Stamper, Manager di “The Movies Renaissance” a mus-
tra su aprecio bisando:”Mi kier gradici tur e Scientology Volunteer
Ministers of the Freewinds” pa nan trabou duro y pa percura pa un
ambiente desinfecta pa nos cliente y e comunidad. E tabata un tra-
bou duro, pero cu nan experticio y e equipo di trabou cu nan tin nan
a haci un tremendo trabou. Nos ta hopi agradeci. Danki un biaha
mas”

No solamente e Cinemas a wordo desinfecta pero tambe Piscina
Olimpico Roly Bisslik y Eagle Bowling Palace tabata riba lista pa
desinfecta p’e Ministerio di Boluntario di Freewinds cu ta pasando
riba Aruba dunando nos comunidad, cu ta frecuenta e lugarnan aki,
e ayudo pa nan tin paz y tranquilidad.
E Operations Manager di Eagle Bowling, sra. Betsabeth Rasmijn a
comenta:” Salud y seguridad ta nos prome prioridad. Manteniendo
Eagle Bowling Palace limpi y deinfecta ta un prioridad pa nos desde
comienzo di Covid-19. E no ta fácil. Pero cu e asistencia y colabo-
ración di e Ministerio di Boluntario di Freewinds, cu a bishita nos
y duna nos e grato sorpresa cu nan lo por desinfecta e lugar pa nos,
nos por sigui cumpli cu nos promesa. Un biaha mas mi kier a gradici
e maneho di Freewinds y e tripulación completo cu a haci esaki po-
sibel. Boso no por imagina cuanto boso ta haciendo pa nos isla cu e
accionan aki.”

Pa haya sa con pa proteha bo mes y otronan, con pa mantene bo
cas y bo lugar di trabou sigur, bishita e How to Stay Well Preven-
tion Resource Center online na www.scientology.org/staywell. Aki por
download tur e videonan di Stay Well y e pamfletanan gratuita-
mente. Tur e materialnan aki ta obtenibel na Spaño, Ingles y Hu-
landes y 18 idioma mas. Pa haya sa mas di Freewinds mira In-
side Scientology: The Freewinds na The Scientology Network.
(www.scientology.tv/series/inside-scientology/freewindshtml)