Page 5 - ARUBA BANK

AWEMainta Diahuebs, 21 September 2017 39

Tabitha Smith-Heemstadt, HOPE Hurricane Relief Benefit DESPUES di a tene nan evento “HOPE Hurricane
“Nos ta observando situacion Relief Benefit” diasabra ultimo pa sostene islanan ruman
cu a sufri daño pa motibo di Horcan Irma, HopeAruba
Horcan Maria pa transporta na e momento aki ta monitor e situacion pa manda
articulonan St. Maarten mirando e menasa di Horcan
articulonan pa SXM” Maria.

E evento “HOPE Hurricane Relief Benefit” cu a tuma
lugar na YMCA San Nicolas for di 9’or di mainta pa
5’or di atardi a trece un sosten masal for di tur parti di
Aruba.

“Awor aki nos ta planeando cu algun compania pa wak
con pa transporta tur e articulonan cu a drenta pa St.
Maarten, sin cu drenta den e area di Horcan Maria”,
Tabitha Smith-Heemstadt, Coordinador di HopeAruba
a duna di conoce.

“Na e momentonan aki nos ta trahando cu Rode Kruis
pa transporta loke ta cuminda y awa via avion pa nan
yega lo mas pronto posibel.
Tambe nos ta den comunicacion Cruz Cora di St.
Maarten hunto cu e team cu HopeAruba ta den colabo-
racion cu ne na ayanan pa por distribui e articulonan
una bes nan yega e isla”, Smith-Heemstadt a sigui bisa.

Representantenan di HopeAruba mes tambe lo ta biah-
ando pa St. Maarten p’asina evalua e nesesidadnan cu
tin y tambe percura pa documenta henter e proceso pa
por comparti esaki tambe na tur cu a aporta na e causa.

“Diasabra tabata un evento exitoso. E ekipo cu a yuda
tabata tremendo. Tabatin tambe hopi boluntario cu a
bin trece articulonan cu a dicidi pa keda y asina yuda
nos mirando e gran cantidad di cosnan cu nos a ricibi”,
el a bisa.
Smith-Heemstadt a bisa cu nan a haya masha hopi paña
cu na e momentonan aki a pone un paro riba esaki.
“Nos ta acepta solamente paña pa mucha pero ainda
nos tin mester di combustibel di bleki, awa y tambe lona
cu por sirbi como cobertura temporario pa esnan cu ta
trahando bek pa reconstrui e dak di nan hogar.
Pa awor aki nos lo keda pendiente pa manda tur
loke por lo mas pronto posibel, memey di un situ-
acion di “Maria” y posiblemente lo bay tin un
di dos HOPE HURRICANE RELIEF BENEFIT.
Nos lo anuncia esaki pronto via nos medionan so-
cial como tambe prensa local”, Heemstadt a bisa.
E evento di diasabra ultimo, a bay den colaboracion
cu Regal Planners di sra. Natalie Silvania, kendenan
ta manda palabranan di gradicimento na tur cu a duna
nan sosten na e causa.

Pa esnan cu ainda ta desea di aporta por haci esaki via
nan cuanta di banco; HopeAruba Movement Founda-
tion, L.G. Smith Boulevard 150, Oranjestad, Aruba
- Aruba Bank Account # 2616140190. Ta pidi pa men-
ciona HOPE HURRICANE RELIEF BENEFIT hunto
cu nomber completo den e discripcion.
Tambe por tuma contacto cu Smith-Heemstadt na
5949052 of Silvania na 5934409.