Page 39 - MIN VOS
P. 39
Lixjandra Bello, Joshua Klabér, Zahyon Klabér y Jourde
Klabér di Brazil Taekwondo Stichting a biaha pa participa na
e Surinam Open
Wednesday, 07 June 2017 16:53
Comparti
E atletanan di Brazil Taekwondo Stichting ta cla pa e Surinam Open y a biaha for di diaranson caba. Tur
aña e Surinam Open ta ariba e programa di Brazil Taekwondo Stichting y ta bay participa cu e team di
Train Hard Fight Smart. E biaha aki Lixjandra Bello a drenta cu e reto di competi na e eventonan
internacional.
Aña pasa Lixjandra Bello a haci su debut na Corsou na e TK5 y na luna di Februari na e TK5 di Surinam.
Awor e ta bay participa den su categoria na Surinam y e mester demonstra cu e ta cla pa e reto nobo aki.
Mama y coach Dianne Ponson ta all out cu su yiu y a hinca tur su confiansa den e team di Train Hard
Fight Smart cu a forma Lixjandra Bello pa e ta na unda e ta awe. Lixjandra Bello ta un hoben atleta cu un
futuro briyante su dilanti si e sigui asina. Apart di Lixjandra Bello nos tin e rumannan Klabér cu tin añas
caba ta suta na Surinam y a logra trece varios premio pa Aruba. Aaron Jacobs coach di Brazil Taekwondo
Stichting y e team completo ta desea e team cu a biaha pa Surinam tur exito.
