Page 19 - CMB
P. 19
FLI DI LUZ: Diahuebs awor for di 7:00 pm te cu 12:00 am, lo tin competencianan di Fli
di Luz.
E grandura di e Fli cu luz ta di 1.00 meter te cu 2.50 meter.
E evento di e anochi aki ta patrocina pa Taco Bell.
FLI MEDIANO Y GRANDI: Diabierna awor for di 9:00 am te cu 7:00 pm, lo tin
competencianan di Fli Mediano y tambe Fli Gigante.
Fli Categoria D ta pa fli mediano. Fli Categoria E ta pa fli gigante. E evento durante dia
aki ta patrocina pa Setar NV.
FLI GIGANTE Y DI CAHA: Diasabra 28 di April for di 9:00 am te cu 7:00 pm, tin e
competencianan di Fli Mediano, di Fli Gigante, y tambe un categoria Open Class den
cual tin Fli di Caha tambe. E dia aki ta patrocina pa Glitz Casino y Ildo’s Lottery.
Fli Categoria C ta pa mediano. Fli Categoria E ta pa Gigante y tambe Caha Openclass.
FLI GIGANTE: Diadomingo 29 di April tin e tan spera evento di Fli Gigante cu lo ta den
cielo. Cada aña teamnan local, incluyendo esnan di Curacao, ta pusta pa wak kende ta
bira e maestronan cu ta domina e espacio aereo cu nan creacionnan crioyo.
Fli Categoria F ta pa e flinan gigantesco cu lo pone hende keda mira competencia di
comienzo te fin. Diadomingo aki ta Fli grandi so lo ta den cielo.
E evento di e e dia aki ta patrocina pa Aruba Bank.
Publico ta invita pa acudi na e veld di Sport Club United cu ta keda como 400 meter
pariba di Misa di Noord. Sugerencia ta pa publico no para na banda pabao di e veld, pa
evita cu cualkier fli cu kibra liña no bin cay riba bo of bo auto.
Riba e potret aki por mira algun hoben recien ta hisa fli den Van Speykstraat na San
Nicolas.
