Page 41 - HOSPITAAL
P. 41
ORANJESTAD(AAN): No ta un secreto cu desde cu Minister Richard Visser tabata
minister, el a inicia e proceso hunto cu ImSan pa logra e partner di Baptist Health of
Florida pa e cuido na Centro Medico San Nicolas.
E lo bira un proyecto grandi. Djey durante e gobernacion di Minister Alex Schwengle
esaki a continua y awe por bisa cu tur cos a keda cla y dialuna mainta pa 10:30 lo
cuminsa oficialmente.
Net na final di 2017 ImSan a keda cla tambe cu financiamento pa e proyecto. Awor ta
momento pa ranca sali y pesey mes a invita minister actual di Salubridad pa bin ta parti
di e start di e proyecto di Renovacion y Expansion di ImSan.
Ta hopi servicio lo bay worde duna entre otro di Oncologia cu Radiologia. Kier haci e
localidad aki uno special caminda por promove turismo medico na Aruba. E no tabata
un proceso di solamente cuater pero como ocho aña cu gobernacion di minister Richard
Visser y minister Alex Schwengle pa por a yega na e momento bunita unda cu sosten di
Minister Dangui Oduber ta start e proyecto.
Pabien Aruba y mester bisa tambe cu Joel Rajnherc a traha hopi duro cu su staff y AZV
pa asina nan caba di complete full e plan.
