Page 10 - Aruba Bank

Aruba Bank y Ceque College ta ilumina rotonde di Hato

Publication: Wednesday, 18 November 2015. Categoria: General
Comunidad henter ta invita pa inauguracion

ORANJESTAD (AAN): Rond Aruba diferente instancia y compania ta trahando hunto cu e
organisacion Bo Bario pa instala decoracionnan di Pasco y Fin di Aña na e rotondenan pa agrega
un toke special na e celebracionnan di fin di aña.
Aruba Bank e aña aki a traha hunto cu nan scol bisiña, esta Ceque College, pa presenta un diseño
impactante pa e bario di Hato y Aruba en general disfruta.
E team di studiantenan y maestronan di Ceque College por ta sumamente orguyoso di e bunita
trabao cu nan a haci y cu nan lo presenta diahuebs awor. Aruba Bank ta invita comunidad henter
pa pasa un rato ameno cu e inauguracion di e decoracionnan di e rotonde na Hato, cual ta tuma
riba diahuebs, 19 di november for di 6’or y mey di atardi pa 8’or y mey di anochi. Lo tin
entretenimento di Katateeners y un ambiente dushi ambiente di fin di aña.
http://www.diario.aw/2015/11/aruba-bank-y-ceque-college-ta-ilumina-rotonde-di-hato/