Page 9 - MIN ON

Posted on 07/26/2017 5:38 pm AST | Updated on 07/26/2017 6:41 pm AST

ORANJESTAD – Preparacion ta continua pa dia di entrega di lista otro siman
diabierna dia 4 di augustus. Diahuebs atardi tabata turno pa e cuerpo di prensa
haya informacion di parti di Conseho Supremo Electoral, di con tur cos lo tin cu
cana e dia ey. A splica tur regla y situacionnan cu lo por encontra e dia ey pa asina
garantisa cu tur cos por cana ordena y pa e pueblo na fin di cuenta por haya e
cobertura cu e merece di e dia importante aki.

INTERES DI PRENSA

Mester bisa cu tur cos ta mustra cu e interes pa e dia aki di parti di prensa lo ta mas halto
cu nunca, y cu esaki lo wordo presenta den un forma mas profesional cu nunca. Por pensa
riba transmisionnan en vivo den varios forma manera cu varios plataforma ta ofrece
awendia. Mirando e interes grandi cu tin, CSE a percura pa duna pues suficiente
splicacion, ofrece suficiente facilidad pa tur medionan di comunicacion por haci nan
trabou trankil y cu nan respectivo audiencia por ‘gosa’ di un cobertura maximo.