Page 20 - AM221214

20 COMUNIDAD AWEMainta Diaranson, 14 December 2022

Minister Dangui Oduber:
Trabounan di arte cu mosaico na trapi

di Rodgers Beach a keda desvela

ialuna atardi Minister di Turismo y
D Salud Publico tabata den un confer-
encia di prensa extra ordinario na Rodg-
ers Beach den conexion cu e trabounan

cu a keda haci na trapi. Manera ta conoci
e trapi a haya un renobacion completo cu
a keda entrega na maart di e aña aki. Min-
ister Oduber no a para eynan, e mandatar-

io su idea di comienso tabata pa haci esaki
un atraccion pa nos turistanan. Un di miho
idea tabata pa haci obra di arte cu mosaico
na e trapi.

Pa haci e idea aki posibel a acerca e grupo
di artista lidera pa sr. Tito Bolivar pa por
realisa e proyecto aki. Desde 28 di october

ultimo cu a anuncia e proyecto di mosaico
na e trapi di Rodgers Beach, awe por bisa
cu esaki a keda entrega. Un proyecto
chikito pero hopi bunita cu sigur lo tin un

balor agrega na nos producto Aruba. E ta
un bunita caminda pa nos local y turistanan
saca un potret pa pone riba media social cu
ta hopi na moda awor, esaki alabes lo sirbi

pa mercado di Aruba como destinacion.

Mescos cu na Baby Beach e embeyece-
mento di Rodgers Beach tambe ta forma

parti di henter e masterplan cu tin pa e area
di Sero Colorado. Minister Oduber semper
a kere den e potencial di San Nicolas pa
bira e segundo capital di turismo na Aruba.

Dentro di poco e fase 3 di e proyecto di
Baby Beach caminda ta bay eleva henter e
area rond di e playanan. Semper teniendo
na cuenta e importancia di conserva nos

naturalesa, creando asina un desaroyo di
embeyecemento di e area na un manera
sostenibel.

E proyecto di trapi a wordo financia door di
Aruba Tourism Authority (ATA) y e lo eleva e
producto Aruba como tambe haci Rodgers
Beach mas accesibel pa esnan cu ta biba

den bisindario. Minister Oduber ta suma-
mente contento con bunita e trapi a keda.