Page 11 - MIN ON 9 DEC 2015

AWEMainta Diaranson, 9 December 2015 27

Ora di Code (Hour of Code),
ta un evento mundial

Studiantenan ta siña principionan basico di programa denter di 60 minuut

CODE.ORG ta organisa e evento aki rond

mundo en conexion cu e siman di educa-
cion den ciencia di computer (Computer
Science Education Week) cu ta dianan 7
pa 14 di december 2015 den 180 diferente
paisnan.
Hopi lidernan den e conocemento di eco-
nomia nobo ta hay’e importante p’e hoben-
nan dor di participa na un evento asina
mira cu programacion ta algo facil y leuk
pa haci, no algo unicamente pa tecniconan.
Riba tur tereno softwarenan ta bira mas
y mas importante y muchanan por mira
caba e ora con pa sigui desaroya rib’e apli-
cacionnan.

‘Hour of Code’ lo tuma lugar e aña aki na
Aruba dialuna dia 14 di december y diaran-
son dia 16 di december 2015.
E evento aki ta wordo realisa dor di cooper-
acion entre scol basico Mon Plaisir, Colegio
Arubano Oranjestad, SETAR, Aruba Digital
Systems y Biblioteca Nacional di Aruba.

E alumnonan di klasnan 4, 5 y 6 di scol
basico Mon Plaisir lo forma parti di e ‘Code
Hour Aruba’.
Cada klas lo pasa un ora na Biblioteca y
rib’un manera hopi dibertido lo experencia
con pa traha un programa.
E alumnonan por scohe un team y por cum-
insa traha di biaha riba dje, por ehempel:
Frozen, Minecraft, Flappy Bird etc.

Biblioteca Nacional di Aruba ta pone nan
computernan disponibel p’asina e alum-
nonan di e ultimo klasnan di scol basico
Mon Plaisir por ehecuta e tareanan aki.
Specialistanan di software di SETAR (de-
saroyadornan di apps) lo guia e grupo di
alumnonan mas grandi di Colegio Arubano
pa na nan turno train, guia y fungi como
coachnan durante di e evento.
E specialistnan di IT di Aruba Digital Sys-
tems lo conseha ademas e grupo encarga
cu e proyecto en cuanto di e enfoke y e
organisacion di e evento en general.

E expectativa ta cu si e evento bai cu exito,
lo organisa e evento pa mas hobennan na
diferente lugarnan rond di Aruba.