Page 25 - awem

AWEMainta Diamars, 28 Juli 2015 25

Chef Antonio Vidal
specialisa den
Certified Angus Beef

Pa un tempo limita na L.G Smith’s Steak &
Chop House

DIABIERNA ultimo, AWEMAINTA y algun otro miembronan di

prensa a haya e oportunidad pa purba algun snacks prepara pa Chef
Antonio Vidal, co-propietario di e restaurant na Texas, Ranch 616
cu ta ofrece platonan innovativo cu ta inclui sabornan for di Golfo
Mexicano te Texas.
Pa un tempo limita L.G Smith’s Steak & Chop House tin ‘Certified
Angus Beef Brand Chef’, Antonio Vidal como parti di su team culinario.
Durante su estadia na Aruba, Chef Antonio lo prepara un 3course
menu special cu lo figura sabornan original di Texas cu un ‘twist’ di
L.G Smith’s Steak & Chop.
E oferta pa e 3 course menu di Chef Antonio Vidal lo ta valido for di
dia 23 di juli te cu dia 16 di augustus.

Chef Antonio
Vidal disfrutando
su estadia na
Aruba

‘CELEBRITY’ Chef, Antonio Vidal di Texas y co-propietario di e

famoso restaurant na Austin, Ranch 616, ta disfrutando su bishita
na Aruba y haciendo bishita na algun di nos restaurantnan pa asina
conoce kico Aruba tin pa ofrece den e mundo culinario.

Chef Vidal a bishita Aruba’s Hollywood Smokehouse pa purba un
smoked barbecue autentico Americano. Pero a keda sorpresa cu e
‘triple smoked brisket vodka’ cushina cu vodka cu ta wordo crea pa
su bon amigo y bisiña na Texas, Tito, di Tito’s Vodka.
“Mi ta pura pa bay cas y hiba e informacion aki pa mi amigo y cont’e
kico Hollywood Smokehouse ta haci cu su Vodka te aki na Aruba,”
e Chef a bisa.

Chef Vidal a keda encanta cu e smak unico cu e vodka a duna na e
‘brisket’ y a saca potret tambe pa e mustra su amigo na Texas.