Page 37 - Awe Mainta 9 May 2015

awemainta.com Online Diasabra 9 di Mei 2015

7 Siman di Fitness cu Mary Joan Foundation a inicia

DIARAZON dia 6 di mei ultimo, Mary Joan Foundation a ricibi

un reaccion positivo di participantenan p’e programa di movecion
cu a inicia. Un grupo sumamente dinamico y hopi entusiasma pa
tuma control riba nan salud a acudi pa participa.
E programa di movecion tin un duracion di 7 siman unda esnan cu
a inscribi pa participa lo bay experiencia un variacion di ehercicio
bou di e guia di sra. Jacqueline Ponson-van Putten.
Sra. Ponson-van Putten ta dedica su experticio n’e bienestar di e
ser humano, den e forma mas holistico, esta curpa, mente y spirito.

Durante e ultimo 3 aña e damanan cu a participa, a keda haci
ehercicio, pasobra nan a mira mehoracion. Nan condicion a bay
dilanti, nan a recobra energia y tambe nan a cera un bunita amistad
cu otro sobrevivientenan.
Cu e programa di Fitness aki, Mary Joan Foundation ta ofrece ABO
e oportunidad un biaha mas. Bo ta of a confronta cancer na pecho?
Bo ta sintibo floho? Bo curpa ta sinti stijf? Bo animo ta abou? Wel,
awor ta un oportunidad unico pa bo haci un cambio na esaki.

Pa mas informacion por pasa na oficina di Mary Joan Foundation,
situa na Sabana Blanco 8. Tambe por yama na telefon 588-9999
of 594-0919. E email adres ta: maryjoanfoundation@setarnet.aw

ZODIAC TA HACI 36

GANADOR

FELIZ CU

12.500 FLORIN

E hungador sr. Andres T. a cumpra diferente di su numbernan
di suerte na Tuva’s Lottery y entre nan el a cumpra mitar pida
di e combinacion di e fecha natal di su yiu homber, esta 6943
cu signo Sagitario. Porcierto un combinacion di number cu el a
stop di cumpra na november di aña pasa. Wel, suerte a bati na
su porta y el a bira ganado di 12.500 florin cu e wega di Zodiac!
Naturalmente el a keda hopi contento cu su premio. Ora el a
pasa cobra su check na oficina principal di Lotto na Paarden-
baaistraat 10, el a comparti cu el a topa cu un papel bieu cu
e numbernan riba dje y cu ta pesey el a dicidi di cumpra e
numbernan 6943 atrobe.Lotto, E loteria di Aruba ta felicita
Andres cu su premio di 12.500 florin.