Page 10 - HOSPITAAL
P. 10
A22 deporte
Diahuebs 2 November 2017
Atletanan di Aruba ta gana 6 medaya den Dutch
Caribbean Special Olympics
ORANJESTAD - Den e fin di siman di 28 te cu 30 di october Aruba tabata repre-
senta pa 4 atleta den e Dutch Caribbean Special Olympics. A tene e competencia
na Boneiro pa prome biaha. Un total di 6 medaya 2 atleta a gana den atletismo.
Segun un relato di nan sponsor Digicel, e atleta André Geerman a gana medaya di brons
den sprint 80m den 12.20, medaya di brons den salto largo cu un distancia di 3.27m y
medaya di plata den kogelstoten cu bala di softball ora el a tira un distancia di 39.05m. Mi-
chael Berry tambe a gana 3 medaya: un medaya di oro den sprint 80m den 11.70, medaya
di oro den salto largo di 4.01m y medaya di brons den kogelstoten di 35.20m. A tene un
extra evento di 5x80m den relay cu nan a participa den dje tambe.
Aruba tambe a participa den bolas cu 2 atleta. E competencia di bolas tabata hopi fuerte y
e atletanan no por a logra gana den e categoria aki.
Na e regreso di e atletanan, coachnan, Arthuro Tuyo Werleman y Jeanette Tante Nette
Williams, nan famia a ricibi nan cu un ‘caluroso bon bini, kendenan tabata contento cu e
resultado di e atletanan’, asina e sponsor ta bisa.
“Ta importante pa sostene nos atletanan di Special Olympics den nan buskeda. Pa henter
un aña largo nan a train p’e oportunidad aki, cu ta caminda p’e 2019 World Games na Abu
Dhabi, United Arab Emirates y nos kier manda nan cu nos bon deseonan. E acuerdo di
Digicel Aruba cu Special Olympics ta uno cu ta yena nos cu orguyo sabiendo cu nos ta
representa p’e talentoso atletanan aki”, asina director di e compania di telecomunicacion,
Wanda Broeksema ta elabora.
