Page 16 - solo dec 23

Pagina 32 December 2015

Misteriosamente polis tabata regala 100 florin na automobilistanan

Loke a hala atencion
recientemente ta e hecho
cu polis tabata para auto
den trafico pa asina haci
un supuesto control, pero
djey ta bira y regala e
automobilista un envleop
di Afl. 100.00.

Hopi automobilista nunca
a tende di e anuncio aki
y no tabata sa ta kico ta
sosode.

Esaki a trece basta
comentario den
comunidad.

Aparentemente polis a
declara cu nan a haya un
regaldo di un comerciante
cu a gana masha hopi
placa y kier a regala
pueblo un poco placa
bek.

Sinembargo ningun

hende por a divulga ta

kede e comerciante aki ta.

Ariba su mes, 100 florin
no ta baha malo.

Pero dicon ta net polis a
escoge pa asina regala
placa?

Polis no ta druk bezig
buscando “yellow” ?

Pa sorto di regaldonan
asina, no tin Aruba Lions?
Kiwanis? Igelsia Catolico?
Rode Kruis? of Fundacion
di Nos Comunidad kende
tin un registro di es
hendenan mas pober cu
mas por a probecha e 100
florin aki?

Mas leeuw nos ta puntra:
Si manyan sali un otro
comercainte cu kier regala
hemchi di verf? Polis lo
bay para auto pa entrega
cada automobilista un
bliki verf? Pues, por tuma
nota cu e regaldo aki a
cay hopi bon pa esnan cu
a haye, pasobra mesora
nan a pone un smile
grandi.

Sinembargo nos critica ta
basa riba e acto riba su
mes. Manyan ora cu otro
compania dicidi cu nan
tambe kier parti placa,
polis lo accepta? Of lo
nenga nan? Djey nan
a bisa cu ta algo cu nan a
copia di Merca. E ora nos tin
cu conclui cu “monkey see,
monkey do”.