Page 23 - MIN ON - MAY 13,2015

Suma nobo di Schoolgeld a bira 175 Florin cu ta cubri 2
schooljaar

Publication: Wednesday, 13 May 2015. Categoria: General

Partidonan a yega na otro riba e aumento di schoolgeld

ORANJESTAD (AAN): Despues di varios deliberacion, riba Diamars atardi, Minister di
Enseñansa y Fundacion SKOA ta anuncia cu nan a yega na otro pa loke ta trata e aumento di
schoolgeld.

Esaki ta encera un suma reduci di loke SKOA a anuncia inicialmente y e intencion ta pa mantene
esaki pa sigur dos aña mas. Mientrastanto lo sigui analisa e gastonan di operacion di schoolnan
di cerca, tanto den infrastructura como gastonan di personal.

Na November 2014 SKOA a anuncia cu lo bin cu aumento di e schoolgeld cu mayornan ta paga
SKOA pa cada yiu cu ta bay school. Despues di 14 aña cu a aplica e mesun suma, logicamente e
fundacion cu ta maneha e grupo di mas grandi di nos schoolnan, no por a sigui opera sin un
adaptacion di e schoolgeld.

Minister di Enseñansa y SKOA tabata diferencia riba e e suma cu SKOA a stipula.

Despues di a habri deliberacionnan back, Minister Hooyboer-Winklaar y SKOA ta anuncia awe
cu partidonan a yega na otro unda a stipula schoolgeld pa aña escolar 2015-2016 na Afl. 175 en
bes di Afl. 250. Esaki en principio lo ta mara pa 2 aña escolar, pues te aña escolar 2016-2017.

Esaki ta significa tambe cu e caso sumario cu gobierno a entama contra SKOA ta keda cancela.

Pa loke ta trata famianan cu por tin dificultad pa paga e suma aki, SKOA lo atende cu e casonan
aki unda ta necesario individualmente manera ta costumber pa varios aña caba. E siman aki
cartanan lo bay cas pa informa mayornan debidamente.

Ambos partido ta satisfecho cu por a yega na otro y cu lo por sigui traha conhuntamente riba
enseñansa y treciendo cambionan necesario pa mehora nos enseñansa.

http://www.diario.aw/2015/05/suma-nobo-di-schoolgeld-a-bira-175-florin-cu-ta-cubri-2-schooljaar/