Page 21 - MIN ON

26 AWEMainta Diasabra, 22 Juli 2017

Gandelman ta presenta holoshinan na graduadonan

RECIENTEMENTE, Gandelman a cel-
ebra e logro di e miho graduadonan di VWO
y HAVO. Gandelman a presenta Roderick
Tapia (VWO), Endino Gieske (HAVO) y
Joshua Koopmans (HAVO) cu un bunita
holoshi di Gandelman, p’asina mustra nan
sosten y aprecio p’e hobennan aki cu a de-
staca den nan estudio.

Gandelman y e marcanan renombra cu e ta
representa semper ta busca pa ta e miho den
nan industria y kier stimula nos hobennan
pa nan tambe purba saca lo miho di nan mes.
E hobennan a keda sumamente contento cu
e gesto y nan ta spera cu mas compania local
lo duna aprecio y estimulo na nos hobennan
pa ta exitoso den nan estudio.

Sra. Vanessa Quilotte y sra. Jonna Gandel-
man a felicita e cabayeronan cu nan tre-
mendo logro y na nomber di Gandelman a
desea nan tur exito den nan futuro y cu nan
estudio na Hulanda.

Time Travelers Camp ta continua

FUNDACION Museo Arubano kier gradici na
tur mayor y muchanan cu a tuma parti den e prome
siman di nos plan vacacional. Por medio e comuni-
dacado aki kier informa cu rib’e siguiente dianan tin
oportunidad pa ta parti di Time Travelers Camp.

Dialuna 24 di juli, diaranson 26 di juli y diahuebs
27 di juli.
Dialuna 31 di juli, diaranson 02 di augustus, dia-
huebs 3 di augustus.

Time Tavelers Camp ta cuminsa y finalisa na
Museo Hisotrico durante e recorido den tempo ta
bishita San Nicolas unda e Museo di Industria ta
situa.
Costo di participacion ta AFL 5,- pa mucha. In-
scripcion por ser haci cu un yamada di telefon na:
5885191 Museo Historico of 5847090 Museum
of Industry Camp ta cuminsa 8:00am y ta finalisa
1:00pm rib’e mesun dia.
Nos programa educativo aki ta posibel danki na
CEDE Aruba. Di e manera aki nos por trece nos
museonan y contenido educativo pa tur muchanan
di Aruba.

Bin probecha di e chens unico pa biaha den nos
time machine, explora hunto cu nos y haya sa kico
ta pasa den futuro. No perd’e!