Page 12 - MIN JUS

“LOCUAL A SOCEDE NA 2015 CU UN

CHAUFFEUR BOU DI INFLUENCIA DI

ALCOHOL A DAL UN MUCHA DI 12 AÑA

MATA, Y NO WORDO DETENI, NO MAG DI

PASA NUNCA MAS” LIDER DI MEP EVELYN

WEVER-CROES A BISA DEN SU

DISERTACIONParlamento diamars dia 20 juni 2017 a trata
cambionan den ley di trafico, entre nan e coreccion di e eror den ley cu a haya
hopi atencion na momento cu un mucha di 12 aña a wordo alcansa pa un
chauffeur cu tabata tin mucho alcohol den su sanger, cu consequencia fatal pa e
mucha.E chauffuer no a wordo deteni y awor – dos aña despues – ta resulta cu e
caso no por bin dilanti ainda, y cu lo tabata tin eror den e investigacion.
Esey tabata motibo pa e famia y conocirnan manifesta pasificamente dos siman
pasa. Como parti di e manisfestacion mayornan a urgo gobierno pa duna claridad
den e caso y pa husticia conta pa un y tur.“Den Parlamento awe mi a urgi e
minister pa duna claridad pa trese paz pa e famianan.
Pero mas aun, mi a puntra e minister pa comparti cu Parlamento kiko tur a bai
fout y con nos lo garantisa cu e erornan ey no wordo ripiti.Lamentablemente e
minister a recuri na politica di nivel baho y no kier a atende cu e topico. Minister
Dowers a prefera di ataca parlamentarionan Guillfred Besaril y Andin Bikker, en
bes di contesta nos preguntanan.
Hasta a publica noticianan falso riba facebook cu oposicion lo no tabata presente
siendo cu noa tabata tey durante henter e reunion. Ta tristo pa mira e nivel
infantil di e minister. Ta obvio cu esaki ta un di su ultimo presentacionnan den
Parlamento mirando cu e fin di su carera ta yegando.
Na final mi a urgi e minister pa por fabor hasi maske ta un poco esfuerso pa
combati criminalidad. Pa e stop di perde tempo ta discuti cu su ex colega di
partido POR ken a baha bandera di ken pasobra esey no ta yuda Aruba.Pa nos ta
importante pa haya claridad den e caso di e accidente fatal di mucha di 12 aña.
E chauffeur tabata tin mucho alcohol den su sanger y no a wordo deteni pa
motibo di “eror” den ley. Y aparentemente awor tin “eror” den investigacion. Tur
hende kier claridad!” Lider di MEP a duna di conose.