Page 30 - MIN ON 1 MAART 2016
P. 30
Universidad a duna inicio na “Academic Foundation
Year”
on: February 29, 2016In: LocalNo Comments
Print Email
Recientemente a tuma luga ceremonia oficial di firmamento pa financiamento di e “Academic
Foundation Year”, den cual Universidad di Aruba ta ricibi fondonan di O.C.W di Hulanda pa medio di
Fondo Desaroyo Aruba pa diseña e programa, y fondonan di Ministerio di Enseñansa pa opera e
programa durante e aña academico cuminsando September proximo.
E “Academic Foundation Year” lo ofrece alumnonan cu caba un scol secundario HAVO of VWO of
MBO y ta preparando pa cuminsa un estudio superior (HBO of Universidad) diferente materia y
orientacion riba loke ta spera nan na un instituto academico.
E Academic Foundation Year ta un “brug” entre un fase di nan enseñansa y e otro, ta ofrece tambe
e oportunidad di un “tussenjaar” pa e studiantenan sondea nan opcion y oportunidadnan pa nan
estudio y nan futuro carera miho. E tin beneficio pa e universidad tambe, segun Eric Mijts, den e
sentido cu e ta yuda Universidad sirbi e comunidad di Aruba miho. E ta un servicio pa studiantenan
cu ta provee e instrumentonan pa fortifica nan base y prepara nan miho pa un estudio academico na
Aruba of den exterior, Mijts a agrega.
