Page 94 - ARUBA BANK

4 MINS
POST VIEWS: 1

ORANJESTAD, Aruba

Mester percura pa proteha nos pueblo y garantisa cu e peso cu nos ta pone riba nan pa por sanea
nos finansas publico ta uno cu nan por carga.

Como miembro di Comision fiho di Asuntonan Financiero y Economico di Parlamento, mi a asisti na
un reunion cu CAFT diabierna ultimo. Un reunion caminda, sigur como miembro di Fraccion di

MEP, mi por bisa cu nos a ricibi un bon noticia. CAFT a informa Parlamento cu nan a finalisa e
tratamento di Presupuesto 2018 cu Gobierno di Aruba.

Despues di un proceso di pregunta y contesta Gobierno a duna CAFT e informacion cu a convence
nan cu Gobierno ta riba bon caminda pa pone orden den finansas publico y CAFT ta considera e
presupuesto 2018 uno realistico.

Mas cu claro como Parlamentario mi ta di opinion cu e reto mas grandi di nos Gobierno ta pa

mantene e balanse entre sanea nos finansas, pero na mes momento atende cu e retonan social y
economico di nos pais. Ta di suma importancia pa Gobierno percura pa stimula nos economia di tal
manera cu ta crea cuponan di trabou y trece progreso y bienestar pa tur ciudadano di nos pais.

Cuponan cu t’asina necesario pa por combati e desempleo y pobresa aki na Aruba.

Durante e reunion Fraccion di MEP a subraya e echo cu na tur momento nos mester percura pa
proteha nos pueblo y garantisa cu e peso cu nos ta pone riba nan pa por sanea nos finansas publico ta

uno cu nan por carga. Ta 7 luna pasa nos a sali di campaña, caminda nos a bishita hopi cas y
famianan. Nos ta consciente cu pueblo ya caba no tinie facil. P’esey mes ta hopi importante pa nos
no perde fo’i bista cu e realidad ta cu e crisis financiero y social cu e Gobierno actual a hereda, no a

bin cay for di cielo. E realidad aki a ser crea den 8 aña di tempo y hopi a para un banda y wak of a
faya di interveni suficientemente of supervisa debidamente.

Den e lunanan nos dilanti nos mester duna Gobierno e espacio pa por maneha y hiba Aruba ariba e

rumbo pa cambio y pone e ser humano central atrobe. Importancia di ehecucion di e crisisplan social
sigur ta algo cu mester keda enfatisa. Un crisis social cu a keda pa gran parti ocaciona pa entre otro e
echo cu AVP a corta na 2017 so 40 miyon pa cu e area social aki na Aruba.