Page 14 - AM211105

14 AWEMainta .com Diabierna, 05 November 2021
Proyecto “Hunto Grandi, Grandi Hunto” a percura pa

october t’e luna “GRANDI” pa 60+ nan na Aruba

“Hunto Grandi, Grandi Hunto”
(HGGH) ta un proyecto di

Fundacion Movimiento ta Bida
(FMTB) y subsidia dor di Cede
Aruba. Dia prome di october

mundialmente a celebra Dia
Internacional di Adulto Mayor.

Den cuadra di esaki proyecto
HGGH aña pasa a cuminsa cu e
tradicion di haci actividadnan pa

nos grandinan durante henter
luna di october.

Den preparacion pa cu e
celebracion e aña aki FMTB

y HGGH a haci e petishon na
Gobierno pa proclama henter
luna di October como Luna di

Adulto Mayor.

FMTB y Proyecto HGGH ta masha

contento cu Gobierno a proclama
luna di october como “Luna di

Adulto Mayor”.

E coordinadora di e proyecto

HGGH, sra. Rosa Leon kende
hunto cu un grupo te mentornan di

e proyecto. Nan ta sra. S.Geerman,
sra. L.Gil & sra. I.Croes-Dubero
a percura pa brinda diferente

actividad den diferente bario na
Aruba unda cu e parti educativo,
fisico, recreativo y social a bin na

resalta.

A gradici Setar Aruba N.V. cu tabata sponser oficial p’e luna di Adulto Mayor unda cu tur actividad tabata

completamente gratis pa tur esnan cu a participa. E programa pa luna di adulto mayor a consisti di
charlanan, actividad nan creativo y recreativo, cultural y social.

Charlanan a lanta e interes di 60+ mirando cu un total di 210 Adulto Mayor a haci uso di e oportunidad pa
asisti na esakinan. Un danki na tur orador nan informacion na nos adulto mayor.

Belasting presenta dor di sra. Romano cu un total di 60 persona: Notaris Marion Tromp cu un total di 55
persona: Dokter Jaime Falconi y Dokter Maritza Ordoñez cu 55 persona.
E otro topico Elmar, Demencia, Prevencion di caida, cuminda balansa tur cu un total di 40 persona.

Actividadnan creativo y recreativo manera Seso Sport, Sportinstuif y Car Rally tambe tabatin su interes
unda cu un total di 183 persona a participa. Nos por remarca cu pa loke ta actividadnan di nos cultura esaki
ta algo cu hopi Adulto Mayor a gusta masha hopi mes unda cu mas o menos 100 hende a sa di haci uso di
e oportunidad pa bishita Museo Arquelogico, bishita Cas Tan Tin y pasa UNOCA pa busca buki totalmente

gratis.